Хит видео од Ким Кардашијан со подзината уста откако беше нападната од мачката на Карл Лагерфелд

Детали

четврток, 26 октомври 2023

„Карл Лагерфелд се превртува во гробот“ – стои во еден од коментарите до видеото на кое се гледа како Ким Кардашијан упорно се обидува да ја освои мачката на Карл Лагерфелд, сѐ до оној миг додека миленичето не скокна за да ја изгребе на лицето.

На сите им е познато дека Ким Кардашијан долго време се подготвува за нејзините појавувања на Мет Гала, а сега откри дека имала таен план за овогодинешниот настан којшто беше со тема Карл Лагерфелд.

Ким беше топ тема затоа што на настанот се појави во тоалета изработена од бисери, што почна да се распаѓа до крајот на вечерта, а сега во последната епизода на реалното шоу The Kardashians, таа откри дека сакала да ја земе мачката на познатиот дизајнер, Шупет, како партнер на настанот.

Но, како што може да се види од објавеното видео, средбата не поминала без проблем.

Мачката која стана наследничка на богатството oд 1.5 милиони долари на Лагерфелд воопшто не сакала ниту да ѝ се приближи на Ким.

Од самиот почеток на средбата Шупет се држи настрана и ‘ржи додека Ким се обидува да се запознае со неа и да се зближи.

„Те молам немој да ме гризнеш“ – ѝ вели Ким на мачката.

На крај се гледа како Ким дури се осмели и да ја земе мачката во раце, но ниту тоа не помина добро затоа што мачката сакала да скокне и да ја гребне на лицето.

По оваа кратка средба Ким морала да одлучи дека нема да може да оди заедно со Шупет на настанот и сепак ќе мора да оди сама.

Видеото привлече голем број коментари на социјалните мрежи, во кои Ким доби критики:

„Мачката изгледа мизерно покрај неа. Лагерфелд се превртува во гробот“;

„Подобро беше ова да остане тајна и сите да мислат дека само лажела дека сака да ја донесе мачката на Карл на настанот“;

„Сакаше да ја носи како аксесоар на настанот, навистина ја претера овојпат“ – стои во дел од кометарите.

Погледнете го видеото од средбата на Ким и Шупет:

Прочитајте и Ким Кардашијан со 50.000 бисери, Ријана со венчаница и огромна наметка со 3Д цветови – Што носеа ѕвездите на Мет Гала 2023? (фото)

Б. С. Б. | Црнобело