Која е убавицата што го освои Дамиано Давид: Ја воодушевил со настапот во танга, јавно призна дека е бисексуалка

Детали

сабота, 02 декември 2023

Дав Камерон е американска пејачка и актерка која успеа да изгради кариера уште како дете. На 18 години беше свршена со колега, а потоа раскина со него. По раскинувањето на втората сериозна врска јавно призна дека е бисексуалка – Што знаеме за убавицата што успеа да го освои срцето на Дамиано Давид?

Пејачот на групата Maneskin, Дамиано Давид (24), кој го привлече вниманието на светската јавност по победата на „Евровизија 2021“, во изминатите неколку месеци имаше турбулентен период на љубовен план.

Во јули годинава цел свет виде како Дамиано се бакнува со друга девојка, додека беше во врска со неговата девојка Џорџија Солери, со која беа заедно шест години.

Видеото вирално се прошири на социјалните мрежи, а во италијанските медиуми почнаа да се објавуваат написи за тоа дека Дамиано ја изневерил Џорџија, но и дека таа него прва го изневерила, а тој ѝ вратил.

Набрзо по објавувањето на видеото, Џорџија и Дамиано раскинаа, а таа јавно изјави дека причина за разделбата не е неверството.

„Не сметам дека ексклузивноста е вредност (напротив, вредност е инклузивноста), бидејќи врската меѓу мене и Дамиано беше, со заеднички договор, немоногамна“ – нагласи таа.

Понатаму, таа изјави дека од Дамиано побарала да ја прекинат врската затоа што ѝ пречеле големиот број објави во медиумите во кои се шпекулира за нив и дека воопшто никој не знае што навистина се случувало во нивните приватни животи.

Сега, неколку месеци подоцна, во светските медиуми се објавени фотографии на кои се гледа како Дамиано се бакнува со американската пејачка и актерка Дав Камерон.

Гласините за нивната врска почнаа да се шират во октомври годинава, кога наводно парот бил виден како се бакнува на забава.

Набрзо потоа, Дав беше фотографирана како го придружува Дамиано на неговиот концерт во Бразил, а за време на австралиската турнеја парот беше „уловен“ како страсно се бакнува на плажа во близина на Сиднеј.

Наводно Дав и Дамиано се запознале на доделувањето на MTV Music Awards 2022, кога пејачот настапи во танга на сцената и многумина останаа вџашени од изборот на неговиот аутфит.

По ова тие двајца почнале постојано да се допишуваат на социјалните мрежи.

На следната страница прочитајте неколку интересни факти за новата девојка на убавиот Италијанец...