Помалку познати детали од животот на Рис Витерспун: Била сексуално нападната на 16 години, беше уапсена

Води битка со депресија и анксиозност

Сè почесто познатите личности ги споделуваат нивните проблеми со менталното здравје со цел да ја тргнат стигмата.

Една од нив е и Рис Витерспун која има изјавено дека целиот живот водела битка и со анксиозност, и со депресија.

„Мислам дека имав 16 години кога почнав со терапија. Имав анксиозност. Анксиозноста, пак, ми се манифестираше како депресија и бев многу депресивна. Дефинитивно имав моменти кога не бев при себе.

Се случувало да плачам на подот во кујната, а моите деца да ми ги донесат нивните играчки и да пробуваат да ме утешат“, изјави таа во интервју.

Бурен развод

Во 1999 година, Рис Витерспун стапи во брак со Рајан Филипе и набрзо станаа најпопуларниот пар во Холивуд.

Во 2003-та добија син, но во 2006-та открија дека се разделуваат.

Тогаш се јавија шпекулации дека Рајан ја изневерувал актерката, но тој го негираше ова.

Рис ретко зборува за разводот, но има изјавено дека и двајцата биле премногу млади – немаа ни 26 години.

Истовремено, актерката се соочуваше со напади и злобни коментари во јавноста, но и од некои медиуми и вели дека ѝ било особено тешко што немала никаква контрола.

Денес таа и бившиот се во доби односи поради нивните деца.

Во 2013-та беше уапсена

Во 2013 година, актерката беше уапсена со нејзиниот тогашен сопруг – Џим Тот.

А, видеото од апсењето брзо стана вирално бидејќи како што полицаецот ѝ става лисици на рацете, актерката почнува да го прашува дали знаел која е.

Парот бил застанат бидејќи сопругот на актерката бил под дејство на алкохол.

Подоцна Рис изјави дека штом видеото се појавило во јавност, почувствувала огромен срам, а вели и дека тоа е најглупавото нешто што го направила.

Спирова С. | Црнобело