„Не сакам да бидам стара мајка“: Софија Вергара откри зошто се разведоа со Џо Манганиело

Детали

вторник, 23 јануари 2024

„Џо сакаше деца, а јас не. Мојот син има 32 години и јас сум подготвена да бидам баба, а не мајка“, околу шест месеци по разводот, Софија Вергара откри зошто одлучиле да стават крај на бракот со Џо Манганиело.

Разводот на Софија Вергара и Џо Манганиело ја изненади јавноста, најмногу бидејќи се веруваше дека имаат еден од најстабилните бракови во Холивуд.

51-годишната актерка и 47-годишниот актер открија дека се разведуваат во јули минатата година, и оттогаш се појавија секакви шпекулации за можната причина.

Сега, во интервју за шпанскиот медиум El Pais, актерката конечно откри зошто всушност се разделиле.

Имено, Џо сакал деца, а Софија – не.

„Нашиот брак се распадна бидејќи мојот сопруг беше помлад. Тој сакаше деца, а јас не сакав да бидам стара мајка“.

Софија смета дека и не би било фер да роди дете на нејзина возраст.

„Мислам дека не е фер за бебето. Ја почитувам секоја жена што ќе се одлучи за тоа, но ова не е за мене.

Родив син на 19-годишна возраст, кој сега има 32 години, и сега сум подготвена да бидам баба, а не мајка. Па, ако најдам љубов со друг маж, тој ќе треба да си има свои деца“.

„Јас сум речиси во менопауза, па ова е нормалниот тек на работите. Кога мојот син ќе стане татко, ќе му дозволам да ми го донесе детето на гости, но потоа ќе му го вратам и ќе си продолжам со животот“, истакна актерката.

Софија и Џо беа заедно од 2015 година и ја најавија разделбата со заедничка изјава за Page Six. Два дена подоцна, Џо поднесе барање за развод, а како причина навел „ненадминливи разлики“.

Во меѓувреме, Софија почна врска со друг маж – ортопедскиот хирург Џастин Салиман.

Џо, пак, почна врска со 34-годишната актерка Кејтлин О’Конор.

Актерката продолжува да работи со полна пареа и неодамна излезе нејзината нова серија – Griselda – која се фокусира на животот на Гризелда Бланко, која важи за еден од најмоќните и најсуровите наркобосови.

Во серијата, Софија ја глуми токму неа.

Засега Џо се нема огласено за разводот.

Спирова С. | Црнобело