Ретка фотка од Мадона со набрана кожа на рацете и лицето – „Личи на кралицата Елизабета“

Детали

среда, 24 јануари 2024

„Изгледа се врати на оригиналниот изглед“ – коментираат твитерџиите за фотката на Мадона, каде во прв план е набраната кожа на рацете и вратот. Иако очајно се обидува, јасно е дека пејачката не може да скрие дека е во седмата деценија од животот.

Мадона (65) одржа концерт во Медисон Сквер Гарден во Њујорк во понеделникот (22.01), откако двајца фанови ја тужеа за лажна реклама. Имено, тие ја тужат пејачката затоа што концертот во Бруклин го започнала два часа подоцна.

Познато е дека пејачката постојано бира костими во кои ги крие рацете и дланките, но овој пат на сцената облече црвено-црно неглиже и стави руса перика, за да го одбележи 18-тиот роденден на ќерка ѝ Чифундо Мерси Џејмс Камбева Чиконе и да ѝ ја отпее песната „Happy Birthday“.

Но, она што дојде во прв план за време на настапот на Мадона во разголената облека е нејзината набрана кожа на рацете и во вратот.

Се гледа дека таа се потрудила малку да го затегне лицето, но пределот околу пазувите и на рацете ја издава дека сепак е навлезена во седмата деценија од животот.

„Изгледа се врати на оригиналниот изглед“;

„Ја гледав сликава и ме прави да се чувствувам старо“;

„Дефинитивно изгледа како вештерка“;

„Мислев дека ја видов кралицата Елизабета“;

„Ау, девојко, дај порасни и облечи се“ – ѝ порачаа твитерџиите што имаа можност да ја видат фотката.

Инаку, Мадона очајно се обидува да ги скрие годините.

Минатата година, вирално се прошири видеото на кое се гледа како таа панично се обидува да ги скрие рацете и вратот од папараците што ја фотографираа на аеродром.

Уште неколку фотки од настапот на Мадона:

Б. С. Б. | Црнобело