Кети Пери со рогови, Лорен Санчез ги покажа облините во фустан од кристали - Како Џеф Безос го прослави 60-тиот роденден?

Детали

среда, 24 јануари 2024

Како ќе се облечете ако имате можност да одите на роденденската забава на еден од најбогатите луѓе на светот? Очигледно, некои одлучија малку да претераат, како Кети Пери која носеше силиконски рогови на главата, а други да рециклираат, како Парис Хилтон, која облече венчаница.

Џеф Безос годинава на 12-ти јануари, го прослави својот 60-ти роденден, а по тој повод неговата свршеница Лорен Санчез организира мегаломанска забава на која присуствуваа голем број познати личности.

Од Бил Гејтс, до Џеј Зи и Бијонсе, до Кети Пери и Орландо Блум, Хајди Клум, Парис и Ники Хилтон... На забавата, која се одржа во домот на Џеф Безос во Беверли Хилс, се собраа голем број познати личности, а темата на забавата беше „доба на вселената“ во чест компанијата за патувања на вселената на Безос, Blue Origin.

Лорен Санчез ги покажа сите свои облини во црвен фустан со Swarovski кристали кои биле рачно сошиени, а за негова изработка биле потрошени повеќе од 800 часа.

За да биде во согласност со темата на забавата, Лорен носеше чанта во форма на ракета, која наводно чини околу 5.000 долари.

Инаку, гостите пред да влезат на забавата, на влезот ги оставале своите мобилни телефони, со цел да нема протекување на видеа, но дел од нив претходно објавија фотки со кои покажаа како се дотерале за забавата.

Парис Хилтон на забавата облече една од венчаниците што ги носеше на нејзината свадба со Картер Реум, а беше модно усогласена со сестра ѝ Ники, која се појави во сребрен фустан со тијара на главата.

Кети Пери очигледно премногу сериозно ја сфатила темата, па на забавата се појави облечена како вонземјанец, со рогови како полжав и зашилени уши.

Иванка Трамп се појави во винтиџ фустан на Roberto Cavallli.

Погледнете повеќе фотографии во галеријата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Б. С. Б. | Црнобело