Милионерот Џанлука Ваки ја изненади свршеницата за роденденот - Бели рози на полноќ за саканата

Детали

четврток, 01 февруари 2024

„Кога двајца луѓе првпат ќе се сретнат, тие се избираат еден со друг во првите 30 секунди. Ти си жената која ја засакав во првата секунда“ - милионерот Џанлука Ваки со љубовна порака и бели рози ја изненади љубената за 29-тиот роденден.

Италијанскиот бизнисмен и милионер, Џанлука Ваки (56), на полноќ ја изненади саканата Шерон Фонсека и ѝ подари букет бели рози за 29-тиот роденден, а таа објави видео на својот Инстаграм.

„Полноќно изненадување“, напиша Шерон.

Освен розите, милионерот на својот Инстаграм сподели и видео во кое ја раскажа нивната љубовна приказна, вклучувајќи ги и моментите кога Шерон била бремена и фотки од раѓањето на нивната ќерка.

Тој ѝ испрати љубовна порака во која јавно ѝ кажа дека ја засакал уште во првата секунда кога се сретнале.

„Според мое мислење, кога двајца луѓе првпат ќе се сретнат, тие се избираат еден со друг во првите 30 секунди.

По овој избор, кој се заснова на нивните инстинкти, хемијата и морници на кожата и стомакот, треба да се трудите многу, бидејќи љубовта е дете за кое секојдневно треба да се грижите и да го сакате длабоко.

Треба да ја разберете, да ѝ дозволите да оди каде што сака, да ѝ помогнете да ги надмине тешкотиите што природно им се случуваат на сите живи суштества... и нема ништо поживо од љубовта со сите нејзини неопходни трансформации.

Ако добро се грижите за ова 'дете', тогаш може да се роди најдлабоката форма на вечна љубов и така беше со нас.

На твојот роденден сакам да ти се заблагодарам што сме заедно, што се грижиме за нашата љубов. И ја оставаме да расте во повисока форма.

Истовремено, сакам да ти се заблагодарам што ми го подари најангелското овошје што можев да го имам во моите соништа, нашата прекрасна ќерка Блу Ерусалема, покрај која сакам само мир и спокојство.

И можеби да гледам што е можно повеќе од нејзината мајка во неа, жената која ја засакав во првата секунда кога ја видов.

Среќен роденден љубов моја“.

А. Ј. | Црнобело