Џанлука Ваки прослави 58-ми роденден со огномет на плажа – огромна торта со семејни фотки, ќерката се забавува со нив

Детали

недела, 10 август 2025

„Ноќ полна љубов, под ѕвездите“ – напиша 28 години помладата сопруга на италијанскиот заводник Џанлука Ваки за неговиот 58-ми роденден. Тој приреди спектакуларна забава на плажа како секогаш, нивната ќеркичка беше присутна и танцуваше, имаше торта со семејни фотки и секако, огномет.

Џанлука Ваки (58) и неговата сопруга Шерон Фонсека (30) уживаат во семејните моменти, но и во забавата.

Тие често одат на патувања, живеат на висока нога и во луксуз, но никогаш не пропуштаат шанса и добро да се „журкаат“.

За 58-иот роденден на Џанлука, парот приреди забава на плажа, под отворено небо, каде присуствуваа голем број нивни блиски пријатели, но и нивната ќеркичка Блу Јерусалема.

4-годишното девојче никогаш не отсуствува од вакви важни моменти, а изгледа го наследила духот за забавата од родителите, па се гледа дека ужива и танцува со нив.

Изненадување на вечерта беше големата торта на неколку ката, на која беа налепени повеќе семејни фотки од славеникот, но и спектакуларниот огномет.

Неговата сакана блескаше како и секогаш, облечена во светкаво здолниште и раскопчана бела кошула, а тој го покажа згодното тело, со сако, без ништо под него.

„Од вчера имам 58 години. Благодарен сум на она што го постигнав и на семејството што го создадовме, што сега ми е најголемото достигнување.

Ти благодарам животе... имам планови да останам засекогаш!“ – стои во описот на објавата.

Погледнете во видеото што го сподели тој:

М. М. | Црнобело