Џеј Ло откри зошто ѝ требале 17 години за да му даде втора шанса на Бен: „Се заколнав дека ќе останам сингл“

„Кога повторно ја започнавме врската јас не можев да си поверувам (што се случува) и мислам дека и тој не можеше да си поверува.

Тоа не беше нешто што го планиравме. И двајцата продолживме со животите, но кога повторно се поврзавме, тоа беше инстантно и знаевме дека е вистинско“ – вели Џеј Ло.

Џеј Ло накратко проговори и за периодот по првото раскинување со Бен и како тоа што станала мајка во целост ѝ го променило животот.

Како што рече, во периодот додека била во брак со Марк Ентони имала можност да се запознае себеси.

„Се трудев да бидам подобра и да се разберам себеси и да бидам најдобрата верзија од себе за да бидам одлична мајка и одличен пример за децата.

Потоа, кога се разведов, тоа ме натера да се потрудам да се разберам себеси, да ги разберам врските и сѐ што е поврзано со нив“ – вели Џеј Ло.

Како што вели, по големиот број неуспешни врски и романси, одлучила да остане сингл, но универзумот конечно решил да ѝ даде шанса да биде со човекот што отсекогаш вистински го сакала.

„Во тој период си мислев: ‘Сама сум, добро сум, си го сакам животот’. И кога дојдов до таа фаза, мислам дека конечно универзумот ми се отвори и си помислив: ‘Во ред, сега сум подготвена’“ – раскажува Џеј Ло.

Прочитајте и Што се случи со прстенот од 1,2 милиони со кој Бен Афлек ја запроси Џеј Ло?

Б. С. Б. | Црнобело