„Со двајца пријатели ме дрогираа и брутално ме силуваа“ - Жена тврди дека на 17 години била жртва на Пи Диди

Детали

среда, 21 февруари 2024

„Тој и неговите двајца пријатели наизменично ме силуваа, додека јас неколкупати загубив свест“ – тврди жената која изнесе нови сериозни обвиненија против раперот и музички продуцент познат како Пи Диди. Наводно кога имала само 17 години, жената била жртва на групно сексуално насилство.

Нови главоболки за музичкиот продуцент и рапер Шон Комбс, попознат како Пи Диди.

Откако во ноември минатата година неговата поранешна девојка го обвини дека тој со години ја тепал и ја терал да има секс со други мажи, сега уште една 38-годишна жена излезе со тврдење дека била жртва на силување во неговото студио, пред 20-тина години, во периодот кога била малолетна.

Светските медиуми ја пренесуваат приказната на четвртата жена која тврди дека била жртва на сексуален напад од раперот, кој во минатото беше во врска и со Џеј Ло.

Наводно Пи Диди (54) поднел судска жалба против тврдењата на анонимната жена, која тврди дека тој заедно со неговиот пријател Харве Пјер и трет неименуван маж ја земале со нив со авион во неговото студио во Њујорк, каде ја дрогирале и ѝ дале да пие огромно количество алкохол, иако таа имала само 17 години.

Според нејзиното тврдење, тројцата мажи ја силувале додека таа неколкупати ја губела свеста и се будела, по што претрпела големи болки и воопшто не знае како си дошла дома.

Жената објави и фотографии на кои е во студиото на Пи Диди и му седи во скутот, а музичарот даде долго објаснување при што ги отфрли сите обвиненија, па рече дека тоа никогаш не се случило.

Тој исто така тврди дека фотографиите се фотомонтажи и дека нивното објавување е извадено од контекст.

За потсетување, во претходниот случај со неговата поранешна девојка Кеси, Пи Диди исплати милионска сума за да постигне спогодба и да не дозволи случајот да оди во судниците.

Кеси тврдеше дека Пи Диди редовно носел машки проститутки и ја терал да има секс со нив и сакал да ја гледа додека го прави тоа.

Прочитајте и „10 години ме тепаше и ме снимаше додека имам секс со други мажи“: Бившата на Пи Диди со скандалозни обвиненија

Б. С. Б. | Црнобело