„Најдобро чувана тајна во Холивуд“: Гал Гадот ја роди 4-тата ќерка, никој не знаеше дека е бремена (фото)

Детали

четврток, 07 март 2024

Со фотка на Инстаграм, Гал Гадот откри дека добила уште една ќерка, а веста беше огромно изненадување дури и за нејзините најголеми фанови, бидејќи никој не ни знаеше дека е бремена.

На големо изненадување на фановите, особен оние кои редовно ја следат, Гал Гадот во средата (06.03) откри дека го добила четврто дете – и овој пат девојче.

Актерката ги соопшти вестите со емотивна фотка од неа и ќерката која откри дека се вика Ори.

„Мое слатко девојче, добредојде. Бременоста не беше лесна и успеавме.

Донесе многу светлина во нашите животи, што одговара со твоето име, Ори, кое значи ’моја светлина‘ на хебрејски. Нашите срца се полни со благодарност.

Добредојде во нашата куќа на девојки. И тато е навистина кул“, стои во описот.

Убавите вести беа шок за обожавателите на 38-годишната актерка бидејќи никој не ни знаеше дека таа е бремена.

Многумина се шегуваат и дека оваа бременост на актерката е „најдобро чуваната тајна во Холивуд“.

Периодов актерката не објавуваше фотки од себе, а речиси и да не се појавуваше во јавност.

Последно, актерката беше забележана во Лос Анџелес на 4-ти декември и носеше црни кожени панталони со широк блузон.

А, поради аутфитот, стомачето едвај ѝ се познава.

Последниот настан на којшто присуствуваше беше холивудската премиера на филмот Barbie на 9-ти јули.

Ова е четврто дете на Гал Гадот и нејзиниот сопруг со кој е во брак од 2008 година.

Тие ги имаат и ќерките Алма (12), Маја (6) и Даниела (2).

Во 2020 година, актерката откри дека со сопругот се сретнале на настан поврзан со јога и истакна дека веднаш се вљубиле еден во друг.

Денес тие го имаат едниот од најстабилните бракови во Холивуд.

Спирова С. | Црнобело