8 холивудски скандали што сигурно сте ги заборавиле

Кражбата на Винона Рајдер

Во 2001 година, Винона Рајдер влегла во продавница за облека и украла предмети во вредност од 5.000 долари, а била фатена веднаш.

Инцидентот се гледа и на снимките од безбедносните камери.

Она што не им беше јасно на сите е зошто Винона би крадела работи кои сигурно може да си ги дозволи.

Подоцна актерката се извини, истакнувајќи дека нејзиното ментално здравје било многу лошо тој период.

https://www.youtube.com/watch?v=unyKRYb7WPo

Мајкл Џексон го подаде син му преку тераса

Раните 2000-ти беа мошне проблематични за Мајкл Џексон.

Во 2002 година, додека отседнуваше во хотел во Берлин пејачот излезе на тераса за да се поздрави со фановите.

Го зеде и син му Принц кој тогаш беше бебе и буквално го подаде преку оградата.

Главата на детето беше покриена со крпа.

По бројните критики, актерот се извини изјавувајќи дека направил „ужасна грешка“.

Контроверзниот настап на Џастин Тимберлејк и Џенет Џексон

Во 2004 година, на полувремето на Super Bowl настапуваа Џастин Тимберлејк и Џенет Џексон.

Во еден миг, Џастин ѝ тргна дел од корсетот на пејачката и ѝ ја разголи градата.

Иако Џенет имаше лепенка на брадавицата, тогаш ова беше скандал што ја „оцрни“ пејачката.

Денес пејачките и сами се појавуваат во многу поразголени изданија, па доста се дебатира за тоа дали Џенет била неправедно осудена од јавноста, за нешто што не е ни нејзина вина.

Судењето на Мајкл Џексон

Уште еден скандал со „кралот на попот“.

Во 2005 година Мајкл Џексон седна во судница поради обвинението дека сексуално вознемирувал и малтретирал две деца.

Судењето траеше дури 14 недели, а пејачот тврдеше дека е невин.

Тој не беше осуден, а подоцна се појавија гласини дека родителите на жртвите ги терале да лажат.

Скиентолошкото видео на Том Круз

Скиентологијата отсекогаш имала лоша репутација и многумина се чудат што прави Том Круз во таа црква.

Но, она што вистински ги загрижи фановите за неговата ментална состојба е видео во кое тој зборува за неговата религија.

Во видеото објавено во 2008-ма, актерот зборува дека скиентологијата може да излечи криминалци и зависници од дрога, дека може да донесе мир во светот и што уште не.

Во еден момент, актерот се смее по малку чудно, а тој инсерт денес е популарен формат за мемиња.

Спирова С. | Црнобело