Едната е побожна христијанка, другата позира гола – Каде се денес ќерките на Чарли Шин и Дениз Ричардс?

Детали

петок, 22 март 2024

Ќерките на Дениз Ричардс и Чарли Шин водат потполно различни животи – додека помалата е посветена христијанка и наводно има „обична“ работа како хостеса, другата заработува од разголени фотки на Only Fans.

Во краткиот брак, Чарли Шин и Дениз Ричардс добија две ќерки – Семи и Лола Роуз.

Но, 18-годишната Лола и 20-годишната Семи тргнаа по сосема различни патишта во животот.

Додека помладата сестра стана побожна и на Инстаграм споделува цитати од Библијата, постарата гради кариера на Only Fans.

Во четвртокот (21.03), Лола беше забележана додека излегуваше од продавница, без грам шминка во целосно бел аутфит.

Младата девојка е скоро идентична копија на нејзиниот познат татко, а наводно периодов имала и „обична“ работа, како хостеса.

Лола има изјавено дека воопшто не е заинтересирана за слава, а тврди и дека нема изгледано ниту една епизода од реалното шоу на мајка ѝ – The Real Housewives of Beverly Hills.

„Немам изгледано ниту една епизода. Отсекогаш сум сакала да гледам позитивни работи, а не драма“.

Лола е посветена христијанка, а кога сестра ѝ Семи го отвори профилот на Only Fans, таа сподели цитат од Библијата со кој ѝ посака „да ја најде љубовта на Исус“.

Од друга страна, Семи го активира профилот на Only Fans речиси веднаш откако наполни 18 години.

Со оглед на тоа што е популарна заради тоа што е ќерка на познат актер, таа заработува големи суми.

Исто така, Семи стави и силикони бидејќи сакала „големи гради како мајка ѝ“.

Кога, пак, го отвори профилот, Чарли Шин и Дениз се обвинуваа еден со друг за тоа кој е виновен за „пропаста“ на ќерка им.

Но, уште побизарно е што и Дениз си отвори профил, а минатата година сподели фотка со ќерка ѝ Семи, прашувајќи ги следбениците дали би сакале да направат соработка на Only Fans.

Очекувано, Дениз беше остро критикувана.

Не е познато дали различниот начин на живот има влијание врз односот на сестрите, но тие повеќе не се следат на Инстаграм.

А, последен пат беа забележани заедно во јули минатата година.

Семи и Лола во јули 2023

Спирова С. | Црнобело