Жизел Бундшен за паничните напади: „Се откажав од семејството и живеев на брза храна – откако го променив животот се смирија“

Детали

петок, 22 март 2024

„Најлошата работа за паничните напади е интензивниот страв дека ќе имате уште еден. Сакав да се чувствувам подобро, но не знаев што да направам“ – моделот Жизел Бундшен отворено раскажува како морала целосно да го промени начинот на живот за да се спаси од депресијата.

Поранешниот модел на Victoria’s Secret, Жизел Бундшен (44) деновиве е актуелна затоа што промовира нова книга со рецепти, а во рамки на промоцијата зборуваше и за паничните напади со коишто почнала да се соочува кога имала 20 години.

Таа вели дека не била ниту свесна за влијанието што нејзиниот начин на живот би можел да го има врз нејзиното ментално здравје и колку голема улога има токму храната.

„Страдав од силна депресија и од панични напади во 20-тите години од животот“ – рече моделот, која морала на 14 години да го напушти семејството и да ја започне својата кариера.

Но, вели дека тоа што си заминала од домот во Бразил, воопшто не ѝ било проблем.

„Всушност бев пресреќна, се чувствував независно.

Се откажав од семејството на 14 години и живеев во Јапонија, а на 15 години се преселив во Њујорк.

Но, мислев дека мојот живот е совршен... Бев благодарна што имам работа и што патувам низ светот“ – вели таа и додава дека кога наполнила 20 години тогаш почнале проблемите со силните панични напади.

Бундшен отворено зборува за тешкиот период во нејзиниот живот и за тоа како се чувствувала во моментите кога имала напади.

„Најлошата работа за паничните напади е интензивниот страв дека ќе имате уште еден. Сакав да се чувствувам подобро, но не знаев што да направам, па го пронајдов мојот нутриционист, кој ми нагласи:

‘Жизел мора да го промениме твојот начин на исхрана.’

Во тој миг си мислев: ‘Каква поврзаност има мојата диета со паничните напади?’, на што тој ми одговори: ‘Слушај, ти не спиеш. Постојано си во различни часовни зони. Твојата исхрана е ужас’“ – појаснува Жизел.

Манекенката вели дека во тој период се хранела само со брза храна, како пржени компирчиња, чоколада, колачиња.

По ова нутриционистот ја ставил на режим кој вклучувал спиење од 8 часа секој ден, редовни вежби и здрава исхрана.

„Откако ги поминав најтешките 18 месеци во мојот живот, сѐ се промени.

Станав друга личност.

Почнав да медитирам, да вежбам јога и правилно дишење.

Поминав долг пат, но ние сме суштества кои креираат навики.

Ако правиме нешто секој ден, почнува да ни станува нормално, па затоа не се откажував“ – раскажува Жизел.

Таа сега, од временска дистанца тврди дека не била ниту свесна дека нејзината исхрана можела да влијае врз нејзиното ментално здравје, но дека сега верува во тоа, откако имала можност да го почувствува на сопственото тело.

Б. С. Б. | Црнобело