Пред 20 години откажаа свадба, сега разводот е неизбежен – Комплицираната љубовна приказна на Бен Афлек и Џеј Ло
- Детали
- понеделник, 10 јуни 2024
Гласините за разводот на Бен Афлек и Џеј Ло не стивнуваат, а наводно нивната куќа веќе е огласена за продажба. Неколку детали за комплицираната љубов на Бен и Џеј Ло која трае повеќе од две децении.
Кога пред неколку години Џеј Ло и Бен Афлек ја обновија романсата, на фановите им беше јасно дека набрзо и ќе се венчаат.
Бен Афлек и Џеј Ло пред скоро две децении беа најпопуларниот пар, а јавноста и медиумите ги нарекуваа Бенифер.
Тогаш се разделија и им беа потребни повеќе од 20 години за да си дадат уште една шанса.
Но, сега извори блиски до парот тврдат дека разводот е неизбежен.
Покрај тоа што изминативе неколку месеци ретко се појавуваат заедно, сега планирале да ја продадат и нивната заедничка куќа.
Куќата која се проценува на 60 милиони долари била огласена од агенција уште пред две недели.
Наводно, тие веќе не ни живееле заедно, односно Бен се иселил и живеел под кирија.
Изминативе неколку дена и двајцата беа забележани со нивните свршенички прстени, но не беа видени заедно.
Додека Џеј Ло беше излезена со пријатели, а наводно и разгледувала куќи, Бен беше фотографиран пред неговиот автомобил и не изгледа најсреќно.
Неколку детали за комплицираната љубовна врска на Бен и Џеј Ло:
Парот се запознал во 2002 година, за време на снимањето на филмот Gigli.
Тој период Џеј Ло беше во брак со вториот сопруг – Крис Џад – од кого се разведе набрзо потоа.
По ова, Бен и Џеј Ло открија дека се пар и станаа една од најпопуларните двојки во светот на славните.
Се свршија по помалку од една година заедно.
Во ноември 2002-ра, Џеј Ло откри дека Бен ја побарал за сопруга со прстен направен специјално за пејачката.
Популарноста им создаваше проблеми во врската.
Бен и Џеј Ло беа сеприсутни во таблоидите во 2003 година.
Подоцна и двајцата зборува за овој период, изјавувајќи дека постојаното внимание им создавало огромен притисок.
Бен, пак, неодамна изјави дека тој период сите биле сурови кон Џеј Ло и дека таа ја добила заслужената почит дури сега.
Продолжува на следната страница...
Би можело да ве интересира:
