Паола била најтажната принцеза во Европа во 70-тите – Со децении молчи за аферите на сопругот и неговото вонбрачно дете

Паола во тој период сакала да се разведе па дури и подготвила документи. Но, според гласините, постариот брат на Алберт, кралот Бодуен ѝ нагласил дека ако си замине, нема да ги види сопствените деца.

Љубовницата на Алберт

Така, Паола одлучила да се повлече во запуштен дел од дворецот, подалеку од сопругот и неговото семејство.

Но, затоа што јавноста не знаела за аферите на нејзиниот сопруг, во јавноста почнале да кружат коментари за нејзиниот тажен израз на лицето и сметале дека таа сама е виновна за проблемите во бракот.

Иако 20 години живеела во сенка, во 80-тите години таа успеала да го поправи односот со Алберт.

Во 1993-та година по ненадејната смрт на братот на Алберт, тој станал крал, а Паола, кралица на Белгија. По ова, таа морала да се навикне на новиот начин на живот и должностите, па наместо да живее во сенка морала постојано да се појавува во јавност.

Во тој период, приказната за вонбрачната ќерка на Алберт се чувала во најголема тајност и никој не знаел за неа, сè до 2013-та година, кога таа сама на 45-годишна возраст започнала судска битка, барајќи од татко ѝ да ја признае.

Вонбрачната ќерка на Алберт

Во истиот период Алберт и Паола му го отстапија тронот на нивниот најстар син, принцот Филип, а семејството се најде среде скандал заради непризнаената принцеза.

Вонбрачната ќерка на Алберт, Делфин, бараше од него да направи ДНК тест, но тој одбиваше, па така овој процес траеше сè до 2020-та година, кога жената конечно беше прогласена за белгиска принцеза, а нејзините деца добија титули.

 Делфин со мајка ѝ

Иако поминала низ вистински пекол, Паола никогаш јавно не зборувала за аферата на сопругот, ниту пак за неговото вонбрачно дете. Таа во една пригода во 2007-ма година, накратко се осврна на кризата во бракот, па рече:

„Имавме проблеми. Но, сега и двајцата велиме дека сме биле родени еден за друг. Многу сме среќни“.

Б. С. Б. | Црнобело