Регионални и светски познати личности кои беа фатени на дело како изневеруваат и флертуваат (фото)

Кристен Стјуарт

Ова неверство можеби беше едно од најдобро документираните.

Во 2012-та година, кога актерката беше мега популарна заради улогата на Бела Свон во Twilight и беше во врска со колегата во филмот Роберт Патинсон, аферата на Кирстен Стјуарт беше топ тема во сите таблоиди.

Таа и оженетиот режисер Руперт Сандерс беа „фатени“ во низа компромитирачки фотографии, по што не можеа да побегнат од тврдењата дека имале афера.

Ештон Кучер

Ештон Кучер и Деми Мур тврдеа дека имаат брак од соништата и покрај големата разлика во годините (15). Тие ја започнаа врската во 2003-та година, а стапија во брак 2 години подоцна.

Но, во 2011-та година нивниот брак заврши, откако Ештон беше фатен како ја изневерува Деми со Сара Лил. (Верувале или не, девојката тврдела дека не знаела оти Ештон е во брак со Деми.)

Набрзо потоа беа објавени фотки на кои се гледа дека актерот неколку месеци пред да се дознае за аферата најверојатно заедно со љубовницата бил на забава.

Хју Грант

Фотките од неверството на Хју Грант не се направени од папараци, туку во полиција.

Британскиот актер беше во долга врска со колешката Елизабет Харли. Но, во 1995-та година беше фатен на дело со проститутка.

Елизабет Харли му прости за неверството, но, по 5 години парот сепак се раздели. Сепак овој инцидент го чинеше скапо, па многумина веруваат дека заради него, актерот не успеа да изгради плодна холивудска кариера.

Тристан Томпсон и Џордан Вудс

Во 2019-та година додека Клои Кардашијан беше бремена, нејзиниот партнер Тристан Томпсон беше фатен на дело како ја изневерува со најдобрата другарка на сестра ѝ, Џордин Вудс.

Фотките беа објавени во таблоидите и се смета дека заради нив Кендал Џенер се скара со Џордин.

Франсоа Оланд

Поранешниот француски претседател Франсоа Оланд се најде среде скандал во 2014-та година, кога беа објавени негови фотки како со мотоцикл секоја вечер оди во станот на љубовницата.

Откако се дозна дека тој има афера со телевизиската актерка Жули Гаје, Оланд се раздели од партнерката Валери Триервелиер со која беше 4 години во врска.

Седум години по скандалот Оланд на 67 години стапи во брак со љубовницата кај која секоја вечер одел со мотоцикл.

Б. С. Б. | Црнобело