Дуа Липа се сврши по една година врска - Кој е британскиот актер што ѝ го украде срцето?

Детали

петок, 27 декември 2024

„Дуа и Калум се заљубени и знаат дека ова е засекогаш. Свршени се и не може да се посреќни. За Дуа ова беше една од најдобрите години во кариерата, а запросувањето дојде како шлаг на тортата“, рекол близок пријател на парот. 

Светската ѕвезда со албанско потекло, Дуа Липа, се сврши со својот дечко, британскиот актер Калум Тарнер.

Калум ја запросил во текот на божиќните празници, а таа, иако не потврди дека ќе се мажи, на последната фотографија објавена на Инстаграм, носи дијамантски прстен.

Веста за запросувањето ја потврдил близок пријател на парот за The Sun.

„Дуа и Калум се заљубени и знаат дека ова е засекогаш. Свршени се и не може да се посреќни.

За Дуа ова беше една од најдобрите години во кариерата, а ова дојде како шлаг на тортата“, рекол анонимниот извор.

Според истиот извор, Дуа (29) и Калум (34) ќе прават голема новогодишна забава во Лондон, а меѓу гостите ќе бидат Бела Хадид, Хари Стајлс и Ема Вотсон.

„Ова ќе биде одлична можност да ја прослават и свршувачката“.

Калум и Дуа ја потврдија својата врска во јануари 2024, а веќе во јуни тој го запозна нејзиното семејство.

Кој е Калум Тарнер, актерот со кој ќе се мажи пејачката?

Роден е во Лондон во 1990 година, а растел само со неговата мајка која работела како промотор во ноќни клубови.

Пред да стане актер, тој полупрофесионално играл фудбал, а потоа работел и како модел.

Првата улога ја добил во 2011 година во филмот Zero.

Низ годините глумел во многу филмови, но најпознатиот од нив е Fantastic Beasts: The Secrets of Dumbledor.

Номиниран е и за најпрестижната британска филмска награда Тони.

Тој е голем фан на фудбалскиот клуб Chelsea.

Пред врската со Дуа, тој беше 4 години во љубов со познатата британска актерка Вaнеса Кирби.

А. Ј. | Црнобело