Моменти што го одбележаа доделувањето на Греми 2025 + најсмешните твитови за настанот

Детали

понеделник, 03 февруари 2025

Немаше ништо побизарно од голата Бјанка Сенсори на годинешното доделување на Греми наградите, но имаше и други моменти кои ги инспирираа твитерџиите со смисла за хумор - Сабрина Карпентер се напи алкохол од плоска, Бијонсе се збуни и не се сети да стане да си ја земе наградата... 

Синоќа (02.02) се одржа 67-то издание на Греми наградите каде се избираа најдобрите песни и артисти од минатата година.

Настанот се одржа во Лос Анџелес, а покрај музичките ѕвезди, им се оддаде почит и на пожарникарите и сите кои беа вклучени во гаснењето на пожарите што опустошија дел од градот.

Бијонсе ја освои главната награда – најдобар албум за 2024-та, а меѓу добитниците беа и Сабрина Карпентер, Кендрик Ламар, Лејди Гага, Бруно Марс…

Секако, покрај доделувањето на наградите, секоја година настанот го одбележуваат и забавни, но и непријатни случки.

А, овие моменти се и инспирација за твитерџиите со смисла за хумор.

На годинешното доделување, веројатно ништо не се ни споредува со голата Бјанка Сенсори која беше и избркана од настанот.

Но, сепак има и други моменти кои вреди да се спомнат.

Бизарни и забавни моменти од Греми 2025:

Синот на Вил Смит, Џејден Смит, се појави на настанот со замок на главата

Водителката Келти Најт од E! се сопна на црвениот тепих и самата си го сподели видеото од моментот

Сабрина Карпентер не така суптилно се напи од плоска за алкохол (која беше во тон со нејзиниот фустан)

Веќе ја спомнавме Бјанка Сенсори, сопругата на Канје која се појави потполно гола

Парот беше уште повеќе критикуван кога се појави фотка на која мало дете ѕирка за да ја види голата Бјанка

Шакира настапи на настанот, првпат по 2007 година

Свој настап имаше и The Weeknd кој го бојкотираше настанот неколку години претходно

Новинарка се соочи со остри критики откако неучтиво го „откачи“ Babyface среде интервју, бидејќи зад него ја забележа Шапел Роан

Бијонсе изгледа воопшто не ја очекувала наградата за најдобар албум и изреагира смешно

Ќерка ѝ Блу Ајви мораше да ја потсети да стане за да си ја земе наградата

На следната страница, најзабавните твитови за настанот...