Дру Баримор направила пластична операција на 17 години: „Морав да ги намалам градите“

Детали

четврток, 13 март 2025

„Кога градите ни се огромни, ние жените се чувствуваме несигурно. Нè боли грбот, што и да облечеме изгледаме како да сме огромни. Неудобно е“, има изјавено Дру Баримор за одлуката да ги намали градите на 17-годишна возраст.

Вo нејзиното шоу, Дру Баримор водеше дискусија за женското здравје, вклучувајќи и рак на дојка.

Па, ја искористи пригодата за да ја спомне нејзината пластична операција која ја направила на само 17-годишна возраст.

Гостинка во шоуто беше докторка која зборуваше за важноста од тестовите како мамографија.

Тогаш Дру ја спомна нејзината операција за намалување на градите – нешто за коешто избегнува да зборува.

„Што ако некој ги намалил градите, како мене? Што ако некој има импланти и ги зголеми градите?

Дали овие промени на телото влијаат врз резултатите од тестирањето?“

Докторката ѝ одговори дека ако не се задоволни од резултатите, жените секогаш треба да бараат и второ мислење.

Дру ја направила операцијата во 1992-ра, а оттогаш ја има спомнато само два-трипати.

Во постаро интервју објасни зошто се одлучила за намалување на градите:

„Навистина си го сакам телото такво какво што ми е сега. Има нешто навистина непријатно со жените и нивните гради бидејќи мажите постојано ги гледаат.

Кога се огромни, ние жените стануваме несигурни. Нè боли грбот. Што и да облечеме изгледаме како да сме огромни. Неудобно е“.

Пред околу една година, Дру повторно зборуваше за операцијата, но и процедури за разубавување.

Актерката изјави дека не сакала да прави корекции бидејќи е личност која лесно станува зависна и може да си создаде проблем.

За потсетување, Дру првпат беше на рехабилитација на само 13-годишна возраст.

„Немам направено никаква корекција и ќе ги избегнувам што е можно подолго.

Не ги осудувам другите кои прават корекции. Но, себеси не се гледам како личност која ќе отиде ’под нож‘.

Страв ми е дека ќе станам зависна, ќе почнам со едно, па ќе сакам да средам нешто друго.

Ова ме плаши, бидејќи јас така им пристапувам на работите. Па, ќе чекам што е можно подолго пред да направам каква било корекција“.

Дру додава и дека не користи ниту ботокс.

„Сега само сакам да им покажам на моите ќерки дека стареењето е луксуз. Ако сме среќни, сите ќе доживееме старост.

Сакам да им биде поважно какви личности се, а не како изгледаат“, вели актерката.

Прочитајте и: Дру Баримор: „Majка ми од мене креираше чудовиште и на 13 години ме смести во психијатриска установа“

Спирова С. | Црнобело