Плаќаат 75.000 долари: Кои правила ги следат познатите за ѕвезда на Булеварот на славните?

Жири комисија избира кој од номинираните ќе добие ѕвезда

Секоја година, жири комисијата добива неколку стотици номинации.

Членовите на жирито се состануваат еднаш годишно, во јуни, и тогаш одлучуваат која од номинираните познати личности ќе добие ѕвезда.

Тие детално ја разгледуваат кариерата на секоја номинирана личност и ако ги исполнува критериумите, даваат дозвола да се постави ѕвезда во нејзина чест.

Секој член од жирито има „мандат“ од две години, кој може да биде продолжен на четири.

Откако ќе бидат избрани славните личности, има уште неколку формалности до поставувањето на ѕвездата, како издавање дозвола од општината.

Славните треба да ја закажат церемонијата во период од две години

Откако една позната личност ќе биде одбрана за ѕвезда на Булеварот, мора да ја закажи церемонијата за поставување во период од две години.

Потоа го губи правото да добие ѕвезда на Булеварот, но може да аплицира одново.

Славните не избираат каде ќе им се наоѓа ѕвездата

Иако познатите не можат да изберат, организаторите се трудат да им излезат во пресрет кога станува збор за местото на ѕвездата.

На пример, ѕвездите на Курт Расел и Голди Хоун се поставени една до друга бидејќи се пар.

Исто така, штом ѕвездата ќе биде поставена, нема опција да се отстрани или да се премести.

Изработката на ѕвездата трае околу четири денови

Ѕвездите на Булеварот се изработени од месинг и терацо.

Откако ќе се направи ѕвездата и ќе се испише името на славната личност, внимателно се проверува за печатни грешки.

Дури потоа ѕвездата се обложува со смеса за да биде отпорна на надворешни влијанија и за да се исуши потребни се околу четири дена.

Спирова С. | Црнобело