Татко ѝ „крадеше“ процент од нејзината заработка, троши неразумно: Како Бритни Спирс остана без пари?

Татко ѝ лошо менаџирал со нејзините пари

Таткото на Бритни ѝ беше легален старател скоро 13 години, односно до 2021-ва. Овој период, тој имал целосна контрола над нејзините средства и наводно трошел многу пари за себе.

Самиот си доделил плата од 16.000 долари месечно, како и уште 2.000 долари месечно за „изнајмување канцелариски простор“.

Тој добивал и процент од парите што Бритни ги заработувала овој период.

Се шпекулира дека тој земал многу повеќе пари на пејачката, додека неа ѝ давал џепарлак од околу 2.000 долари неделно.

Бритни самата го обвинуваше татко ѝ дека буквално ѝ ги крадел парите, додека ја присилувал да настапува во Лас Вегас за да продолжи да заработува.

Не е познато колку точно пари татко ѝ заработил на нејзиниот грб, но сигурно во прашање се милиони.

Ја чинеше и разводот од Сем Ашгари

Бритни и Сем соопштија дека ќе се разведуваат во 2023-та, 14 месеци по свадбата. Тогаш извори блиски до пејачката споделија дека таа направила предбрачен договор со кој си го заштитила богатството.

Тие го финализираа разводот во мај 2024-та, но и покрај предбрачниот договор, таа сепак му платила одредена сума на Сем.

Според неофицијални извори, Бритни веројатно му дала околу два милиони долари, но ова не е потврдено.

Му плаќа алиментација на Кевин Федерлајн

Бритни има два сина со поранешниот сопруг Кевин Федерлајн и плаќаше алиментација за нив пред да наполнат 18 години.

Првично таа плаќаше по 20.000 долари алиментација, плус 15.000 долари месечно за други трошоци. Потоа Кевин побара поголема сума, но не е познато што се договориле.

Двете деца веќе наполнија 18 години, па Бритни е ослободена од обврската за алиментација.

Веќе не работи, а трошела несовесно

Во 2019 години, Бритни изјави дека најверојатно никогаш нема да работи во музичката индустрија. Истовремено, нема направено никаков договор со познат бренд, што значи заработката ѝ е драстично намалена.

Но, и покрај ова, наводно Бритни трошела несовесно.

Секоја година трошела стотици илјадни долари за патувања и уште повеќе за предмети низ домот и облека.

Па, затоа и останала со околу 3 милиони долари на располагање.

Спирова С. | Црнобело