Нова драма кај Бекамови: Викторија ја расплакала Никола Пелц на свадбата – ѝ го украла вниманието на снаата

Детали

петок, 30 мај 2025

„Пред да почне да ја пее песната за првиот танц на Бруклин и Никола, Марк Антони на сцената, освен младоженецот, ја покани најубавата жена на вечерта... Викторија Бекам. Никола Пелц со солзи истрча во соба. Настана непријатна тишина...“ - велат извори кои откриваат нови детали за свадбата на синот на Бекамови со Никола Пелц, во период кога односите им се најзатегнати досега. 

Односите помеѓу Бекамови и саканата на нивниот син Бруклин, Никола Пелц, никогаш не биле идеални.

И покрај тоа што се труделе да остават слика на среќно семејство, на површината секогаш испливуваа драмите и проблемите кои ги нарушуваа односите.

Во последно време тие изгледа воопшто не се во добри односи, со оглед на тоа што Бруклин и Никола не се појавија на ниту еден од важните семејни настани на неговите родители периодов.

Прочитајте повеќе Детали за драмата кај Бекамови: Никола му забранува на Бруклин да ги гледа родителите, тие ја споредуваат со Меган Маркл

Но, сега испливаа нови непознати детали од свадбата на Никола и Бруклин, која се случи во 2022 година и беше свадба на годината.

Тогаш, Викторија им го украла вниманието и го префрлила на себеси наместо на младенците, во моментот кога требало да го имаат првиот танц.

„Марк Антони, кој е пријател на Бекамови, се понуди да ја изведе песната за првиот танц, како негов подарок на свадбата.

Пред да почне песната, Марк го покани Бруклин на сцената, а потоа рече ‘Нека се качи и најубавата жена во просторијата вечерва... Викторија Бекам!’

Невестата се чувствуваше како Викторија да ја уништила нејзината свадба и не можеше да разбере зошто“ – тврди анонимен извор за магазинот People.

Публицистите на Викторија и Дејвид не дале никаков коментар за оваа ситуација на барање на магазинот, а друг извор додава дека сите гости биле шокирани кога Марк ја поканил Викторија наместо Никола и настанала комплетна тишина.

Гостите на свадбата останале без зборови кога по оваа непријатна ситуација, Викторија започнала да танцува полека со синот и додава:

„Не беше соодветно. Никола избега во соба со плачење. Никола мислеше дека Викторија ова го направи намерно, иако знаеше дека ова е планиран романтичен танц за Бруклин со невестата“.

Веројатно, мама Бекам е од оние кои не можат да се помират дека во животот на синот сега има нова жена, но и покрај нивните погрешни чекори со кои уште повеќе го оддалечуваат Бруклин од нив, сепак ситуацијата е прилично комплицирана. 

Многумина веруваат дека и Никола е „итра“ и на секаков начин пробува да го одвои Бруклин од Бекамови, а повеќе го приближува кон нејзиното семејство. 

Прочитајте и Го скара Бруклин со Бекамови, турнала дадилка по скали: „Никола Пелц отсекогаш била разгалена богаташка“

М. М. | Црнобело