Бекамови на јахта на Ибица со ќерката, синот и снаата – мама Викторија накитена со дијаманти, откако со Дејвид станаа милијардери

Детали

вторник, 26 мај 2026

Бекамови сакаат да живеат на висока нога, а вчера уживаа со ќерката, синот и неговата девојка, дотерани на јахта на Ибица – ќерката Харпер со чанта од 1.400 евра, Викторија носи папучи од 700 евра и е накитена со дијаманти, откако Дејвид неодамна стана прв спортист милијардер во Британија.

Вчера популарното Бекам семејство, во неполн состав, беше забележано на гламурозно патување на Ибица.

Викторија и Дејвид, во летни дотерани комбинации, заедно со ќерката Харпер, синот Ромео и неговата девојка Ким, уживаа на одмор со стил.

14-годишната Харпер носеше Bottega Veneta чанта, која чини околу 1.400 евра, а мама Викторија беше облечена во провиден шарен фустан, дополнет со Hermes влечки од околу 780 евра и чанта за на плажа.

Стајлингот на Викторија е надополнет со блескав накит, прстени, две бразлетни и ланче, кои не ги вади дури ни за на море и ужива во луксуз, посебно откако со сопругот стекнаа титула на милијардери.

Нивното богатство неодамна беше проценето на околу 1.5 милијарди долари, а со тоа Дејвид стана првиот спортист милијардер во Британија.

Тие уште еднаш покажаа дека се држат цврсто како семејство, одат на заеднички одмори, и покрај турбуленциите во односот со синот Бруклин. 

Дејвид пак, не ја испушта саканата од раце и постојано ја прегрнува. 

Повеќе фотки од семејното мини летно бегство на Бекамови:

М. М. | Црнобело