Детали за драмата кај Бекамови: Никола му забранува на Бруклин да ги гледа родителите, тие ја споредуваат со Меган Маркл

Детали

недела, 11 мај 2025

Според извори блиски до Бекамови, Никола Пелц е главниот виновник за влошениот однос на Бруклин и родителите – таа го оддалечила од нив, но и од сите пријатели. Дејвид и Викторија ја споделувале и со Меган Маркл, која го оддалечи принцот Хари од кралското семејство.

Веќе извесен период е очигледно дека Бруклин Бекам не е во добар однос со неговите родители, а одлучи да го пропушти и 50-тиот роденден на татко му.

Првично се шпекулираше дека причината за раздорот меѓу семејството е новата девојка на брат му Ромео. Имено, тој бил во врска со девојка која му е бивша на Бруклин.

Сепак, сега некои извори тврдат дека сопругата на Бруклин – Никола Пелц – е најголемиот виновник во целата драма и дека токму таа го оддалечува од семејството.

Бруклин и Никола планирале да одат на Мет гала во Њујорк, но минатата недела сепак беа во Лондон, каде што Дејвид го славеше роденденот.

Но, не се појавија ни на роденденот, ниту, пак, на Мет гала во понеделникот (05.05).

„Бекамови знаеја дека Бруклин сака да оди на Мет гала, но тоа што беше во Лондон и сепак не отиде на роденденот го повреди Дејвид.

Бруклин и Никола се немаат појавено на ниту еден семеен настан, но сепак сакаа да одат на Мет гала, каде што не познаваат никого“.

Дејвид и Викторија биле уште поповредени бидејќи минатата недела, кога беа роденденските прослави, Бруклин и Никола си споделувале фотки од нивната хотелска соба во Лондон.

Сепак, и Дејвид и Викторија не го обвинувале Бруклин, туку го впериле прстот кон Никола и „нејзиното лошо влијание“.

„Никола и Дејвид ќе направат сè за да си го вратат синот, но и на двајцата им е преку глава од Никола. Никола секогаш наоѓа начин да почне караница, а потоа го тера Бруклин да не зборува со неговото семејство и тој не се појавува на семејните настани.

И претходно го правеше ова, на секој семеен настан по нивната свадба. Што се однесува до роденденот на Дејвид, изгледа како да се случува истото. Бруклин мисли дека ќе оди да си го види семејство и ќе направи план.

Тој всушност им кажа на Бекамови дека ќе дојде на роденденот. Но, потоа, Никола ќе предизвика конфликт, ситуацијата ќе ескалира, па за Бруклин е невозможно да отиде.

Изгледа како многу да го контролира. Бекамови се сигурни дека ова се случило и за роденденот. И, вакви работи се случуваат трипати неделно“, вели извор близок до семејството.

Погледнете и: Том Круз „мртов пијан“, Бруклин не дојде: Како поминаа прославите за 50-тиот роденден на Дејвид Бекам? (фото)

Изворот додава дека Бруклин не знае како да ѝ се спротивстави на Никола, а во меѓувреме, други извори блиски до семејството велат дека сите почнале да ја споредуваат Никола со Меган Маркл.

Продолжува на следната страница...