Џани бил поврзан со мафијата, Донатела беше зависна од кокаин: Мрачните тајни на семејството Версаче

Џани Версаче наводно бил поврзан со мафијата

Еден од најголемите скандали поврзани со Џани Версаче „изби“ по неговата смрт, односно во 2010-та, кога италијански новинар тврдеше дека дизајнерот соработувал со италијанската мафија.

Новинарот издаде книга за која интервјуирал поранешни членови на мафијата кои му потврдиле дека Џани соработувал со нив.

„Имаше реки од пари заработени од дрога, рекетирање, лихварство – планини од пари – и, некој мораше да ги испере. Се користеа барови, ресторани, но и ’чисти‘ бизниси како Versace за да се перат парите“.

Едниот од изворите на новинарот дури тврди и дека Џани бил убиен од мафијата бидејќи должел пари.

Ќерка ѝ на Донатела страдаше од анорексија

Ќерката на Донатела, Алегра, имала само 11 години кога бил убиен Џани Версаче. Па, тешко се справила со загубата, а чувствувала и вина кога тој ѝ оставил половина од компанијата.

„Со години живеев во мрак. Не се сеќавав на ништо од мојот живот пред тој ужасен ден… Се плашев дека ќе морам да бидам голема како него, но знаев дека тоа е невозможно, дека не сум способна“.

Поради стресот, но и фактот што пораснал опкружена со манекенки, Алегра развила анорексија, а дијагнозата ја потврди мајка ѝ. Иако подоцна Донатела тврдеше дека здравјето на Алегра е подобрено, извор близок до семејството изјави дека ова не е точно:

„Ако Алегра виде своја фотографија или снимка на телевизија, полудува. Уште страда од телесна дисморфија“.

Џани е обвинет за сексуално вознемирување

Актерот Кевин Сорбо го има обвинето Џани за сексуално вознемирување. Во 1984 година, пред да се прослави, актерот добил понуда од Џани да сними рекламна кампања.

Но, како што почнале со снимање, Џани почнал да му ја допира ногата. Актерот неколкупати му повторил дека е стрејт, но дизајнерот не запирал и наводно му рекол:

„Затоа и ми се допаѓаш, бидејќи си мажествен маж“.

Џани веројатно имал и други долгови

Покрај наводниот долг кон мафијата, Џани Версаче му должел многу пари и на италијанскиот модел Фабио. Според моделот, во 1990-тите добил понуда да соработува со Versace – нешто што го одбележало почетокот мошне успешна кариера.

Направил договор за околу еден милион долари кои, на крај, не му биле исплатени.

„За жал, Џани не беше многу искрен човек. Нека почива во мир, но тоа е вистината“, вели моделот.

Спирова С. | Црнобело