Џани бил поврзан со мафијата, Донатела беше зависна од кокаин: Мрачните тајни на семејството Версаче

Детали

сабота, 07 јуни 2025

„Нека почива во мир, но Џани не беше искрен човек, тоа е вистината“, има изјавено модел кому Џани Версаче му должел дури еден милион долари. Наводно, дизајнерот бил задолжени и кај мафијата, па затоа бил убиен.

Денес Versace е еден од најпознатите модни брендови во светот, а е основан од Џани Версаче, со помош на неговата сестра Донатела.

Иако Донатела, но и починатиот Џани уживаат почит кај јавноста, факт е дека нивното семејство си има и по некоја мрачна тајна.

Дел од овие тајни во продолжение:

Односот на Донатела и Џани Версаче бил токсичен

Во јавност преовладува мислењето дека Донатела и брат ѝ Џани биле мошне блиски, а така изгледаа и кога се појавуваа во јавност пред неговата смрт.

Сепак, Донатела самата има изјавено дека таа си давала за слобода остро да го критикува за модниот бренд.

„Се гледав себеси како единствената личност која можеше да му ја каже вистината на Џани, бидејќи кога е во прашање голем дизајнер, тој нема да слуша никој друг. Па, можевме да се караме во шест часот, а веќе во осум да вечеравме заедно“.

За тоа какви всушност биле нивните караници има зборувано поранешниот сопруг на Донатела – Пол Бек. Според него, односот меѓу братот и сестрата бил ништо помал од токсичен и нивните караници биле „експлозивни“.

„Кога ги слушав, мислев дека ќе се убијат. И, се караа за безначајни работи, како каде да стојат џемперите во новиот бутик“.

По една ваква караница, тие воопшто не зборувале еден со друг шест месеци.

Донатела имаше проблем со зависност

Донатела успешно ја криеше зависноста од кокаин скоро две децении, а првпат прозборе за порокот откако се ослободи од него.

Во 2005-та, во интервју, Донатела откри дека не одела на забава без кокаин, како и дека на почетокот брат ѝ воопшто не знаел за нејзината зависност.

По убиството на брат ѝ во 1997-ма, зависноста на Донатела само се влошила. И покрај тоа што 18 години била зависник, Донатела некако успевала да работи, но истакнува дека дрогата имала огромно влијание врз нејзиниот однос со децата.

Решила да оди на рехабилитација откако нејзините деца, со помош на Елтон Џон, ја замолиле да побара помош.

„Бев овде за моите деца, но сфатив дека ми е тешко да изградам блискост со нив. Па, Елтон Џон ми рече ’Донатела, знаеш дека не те присилуваме, но треба да одиш на рехабилитација. Те чека авион‘.

Бев подготвена. Дотогаш мислев дека имам контрола над зависноста, но ова не беше точно“.

Донатела со скара со дечкото на Џани, ѝ откако беше убиен

Џани Версаче имаше долга и сериозна врска со Антонио Дамико. Впрочем, тој е и личноста што го нашла пред неговиот дом кога Џани беше застрелан.

Бидејќи долго време беа заедно, по смртта Џани му ги оставил сите свои куќи, а во тестаментот наредил да добива и 57.000 долари месечно. Но, на Донатела не ѝ се допаѓало ова, почнала караница со Антонио, па на крај тој се повлекол.

„Ги вратив сите куќи што ми ги остави Џани бидејќи не сакав да бидам во близина на Донатела… Пробував да ја гледам како семејство, но кон крајот ја гледав како чудовиште.

Не знам зошто ме мразеше толку многу. Можеби беше љубоморна бидејќи бев близок со Џани и мене ме слушаше повеќе отколку неа“.

И Донатела има изјавено дека баш и не го сакала:

„Го почитував како дечко на брат ми, но никогаш не ми се допаѓаше како личност“.

Продолжува на следната страница...