Џеси Џеј откри дека има рак на дојка, по спонтаниот абортус: „Ми треба некој да ме гушне“

Детали

среда, 04 јуни 2025

Пејачката Џеси Џеј откри дека има рак на дојка во ран стадиум и дека летоска ќе прави операција. И покрај емотивниот период, забавна како и секогаш, таа кажа и шега на своја сметка, односно дека по операцијата, ќе се врати со нова музика, но и со поголеми гради.

Во емотивна објава на Инстаграм, пејачката Џеси Џеј откри дека ѝ е дијагностициран рак на дојка и дека наскоро ќе прави операција.

37-годишната пејачка, која има едно дете, ги сподели вестите со видео. Во описот, Џеси вели дека изминативе два месеца биле доста добри за неа, но дека сега, во овој миг, ѝ треба некој да ја гушне.

На почетокот од видеото, пејачката вели дека се двоумела дали воопшто да ја сподели дијагнозата, но истакнува дека би сакала нејзините фанови да знаат бидејќи отсекогаш била отворена личност.

„Пред да излезе оваа тајна (во јавност), да кажам јас - ми беше дијагностициран рак на дојка во ран стадиум.

Го нагласувам зборот ’ран‘. Ракот е ужасен во секој облик, но се држам за зборот ’ран‘. Правев тестови целиот овој период.

Само сакав да бидам отворена и да споделам. Не ја процесирам дијагнозата бидејќи работам многу.

Исто така, знам колку споделувањето ми помогнало во минатото, кога другите луѓе ми ја давале својата љубов и својата поддршка и, исто така, нивните искуства. Јас сум отворена книга.

Ми се крши срцето што толку луѓе минуваат низ ова. Низ слично и полошо. Тоа е делот што ме убива“.

И покрај емотивниот период, пејачката кажува и шега на своја сметка:

„Летоска малку ќе исчезнам за да направам операција и ќе се вратам со големи гради и нова музика“.

Погледнете го видеото во продолжение:

Инаку, во 2021 година, Џеси Џеј доживеа спонтан абортус - тежок период од животот за кој исто така беше отворена со фановите.

Прочитајте повеќе: Џеси Џеј расплакана објави емотивна исповед: „Го изгубив бебето, нема срцева акција“

Спирова С. | Црнобело