„Беше пекол“: Девојката на Круз Бекам емотивна по операцијата за сколиоза – ја покажа и лузната на грбот

Детали

понеделник, 07 јули 2025

По повод една година од операцијата на ’рбетот за сколиоза, девојката на Круз Бекам сподели емотивна објава во која ја покажа лузната и им се заблагодари на сите што ѝ помогнале да го надмине тешкиот период.

Девојката на Круз Бекам, Џеки Апостел, неодамна откри дека минатата година ѝ била направена операција за сколиоза.

Во емотивна Инстаграм објава, 30-годишната Џеки откри дека операцијата била „вистински пекол“, но и истакна дека саканите, вклучувајќи го и Круз, ѝ биле најголема поддршка.

Во објавата, Џеки сподели фотографија на која гордо ја покажува лузната на грбот, како и рендгенски снимки од нејзиниот ’рбет направени пред и по операцијата.

Џеки сподели и кратко видео од болница, на кое лежи свртена на страна и се гледа преврската на големата рана.

На неколку фотки, Џеки носи златен фустан, а една од сликите од неа е направена со вештачка интелигенција.

Сколиоза претставува искривување на ’рбетот обично во форма на буквата Ѕ или С. Покрај искривеноста, состојба предизвикува и непријатни симптоми, како болка и ограничување на движењето.

Операцијата за сколиоза, пак, е нарекувана една од најболните.

„Пред една година ми направија операција за сколиоза, па славиме со фустан и слика направена со вештачка интелигенција. Седам и размислувам за ова и, чудно, минатата година го почнав овој ден без никаков страв. Целосно си го измамив умот дека не е ништо страшно.

Двете недели потоа беа вистински пекол и мислам дека она што ми помогна да продолжам да се борам е тоа што имаше работи на кои сакав да им се вратам. Сакав да се вратам во студиото не повеќе од еден месец по операцијата. 25 дена подоцна, се вратив“.

Продолжува на следната страница...