„Се криел“ во скиентолошки град, го кремирале во тајност: Нови детали за мистериозната смрт на актерот Џулијан Мекмахон

Детали

четврток, 17 јули 2025

Поминаа веќе две недели од смртта на актерот Џулијан Мекмахон, но истовремено се открија навистина чудни детали за неговите последни денови. Актерот почина во градот каде што се наоѓа седиштето на скиентолошката црква, а бил кремиран во тајност, без никаква церемонија.

Смртта на актерот Џулијан Мекмахон беше шок за јавноста бидејќи никој не знаеше дека имал рак.

56-годишниот актер, најпознат по улогите во Charmed и Nip/Tuck, почина на 2-ри јули, а не е познато колку долго боледувал.

Но, сега почнаа да се појавуваат чудни детали за смртта на Џулијан, како и последните денови од неговиот живот.

Актерот и сопругата Кели Паниагуа живееја во Калифорнија, но некој период престојуваа во Клирвотер – град во Флорида.

Во Клирвотер се наоѓа седиштето на скиентолошката црква, па во САД е познато како место каде што владеат скиентолозите.

Додека некои ѕвезди, како Том Круз, се истакнати членови на црквата, Џулијан никогаш претходно не бил поврзуван со скиентологијата.

Не е познато колку долго со сопругата биле во Клирвотер, но според некои извори, го продале целиот имот во Калифорнија уште во август 2023-та.

Но, чуден детаљ е што наводно немале купено живеалиште во скиентолошкиот град.

Притоа, за актерот немало погреб, туку само бил кремиран без никаква церемонија. Според некои извори, ни неговата сопруга не била присутна за време на креирањето.

Редакцијата на Daily Mail ја добила посмртницата на актерот и откриваат дека тој починал бидејќи ракот се метастазирал на белите дробови, но не била направена обдукција.

Притоа, не било наведено од каков рак боледувал, ниту колку долго.

Според посмртницата, актерот починал во болница во Клирвотер, додека како негова адреса на живеење е наведена зграда во Калифорнија.

Она што е чудно е тоа што адресата во Калифорнија е зграда во која се наоѓа сметководствено друштво и уште два други бизниса. Односно, воопшто не е зграда во којашто живее некој.

Не е познато дали актерот претходно одел во Клирвотер, ниту каде престојувале со сопругата. Откако, пак, се дозна дека починал овде, на социјалните мрежи почна да се шпекулира.

„Живеам во Клирвотер, во близина на куќа што е во сопственост на Џон Траволта – околу 2 километри од седиштето на скиентолошката црква.

Се прашував дали Џулијан е скиентолог бидејќи неговата сопруга рече дека починал во Клирвотер. Обично само славни кои се скиентолози доаѓаат (и умираат) овде“.

Додека Џулијан се пробуваше во Холивуд, неговата сопруга Кели водеше веб-сајт и се нарекуваше „личен водич за духовно будење“.

„Веруваме во ширењето на светлината и моќта на колективната свесност. Ги повикуваме сите души на пат за закрепнување и откривање на вистината“, пишува на нејзиниот веб-сајт.

Поради необичната професија на Кели, шпекулациите дека парот бил дел од скиентолошката црква само се засилија.

Некои сметаат и дека можеби Џулијан пробувал да се излечи со неконвенционалните методи на скиентолозите.

Сепак, за Daily Mail, експерт за скиентологија вели дека не верува дека Џулијан и сопругата биле дел од црквата.

„Не сум видел доказ дека Џулијан бил скиентолог. Скиентологијата управува со мал дел во центарот на Клирвотер. Но, луѓето главно не му се приближуваат.

Повеќето повеќе сакаат да одат на плажата, која нема никаква врска со скиентологијата“.

Сепак, јавноста останува на ставот дека актерот можеби имал некаква поврзаност со црквата, како и дека деталите околу неговата смрт навистина се доста чудни.

Прочитајте и: Имаше афера со Шенон Доерти, почина од рак една година по нејзината смрт: Факти за актерот Џулијан Мекмахон

Спирова С. | Црнобело