Бурак Озџивит е на одмор во Монако со сопругата, првпат без брада - по контроверзиите во кариерата

Детали

четврток, 31 јули 2025

Наводно барал поголем хонорар за својата улога на Осман Беј и се повлече од серијата „Kuruluş Osman“ пред почетокот на снимањето на седмата сезона. Потоа на Инстаграм напиша „Одморот почнува“, го промени имиџот и објави вљубени фотки со сопругата Фахрије Евџен.

Турските актери Бурак Озчивит и Фахрије Евџен периодов уживаат во Монако.

На фотографиите кои ги објавија на Инстаграм Бурак изгледа непрепознатливо.

Оваа негова промена на имиџот, односно бричење на брадата по долги години, доаѓа откако се откажа од улогата на Осман Беј, основачот на Отоманското Царство, централна фигура во историскиот серијал „Kuruluş Osman“, од кој беше дел долго време.

„Почнува одморот“, напиша Бурак откако се прости со долгогодишната улога.

Кога објави дека се повлекува од серијата пред почетокот на снимањето на седмата сезона тој на социјалните мрежи напиша:

„Да се збогуваш е голема доблест. Сакам да им се заблагодарам на нашите гледачи и да се простам со почит, наспроти обидите да се фрли сенка врз шестгодишната работа, страст и труд. Се гледаме во нови приказни...“

Инаку, 40-годишниот Бурак со својата сакана Фахрије Евџен се запозна и првпат соработуваше во серијата Çalıkuşu (2013–2014), каде ги толкуваа главните улоги.

Врската започнала уште додека снимале заедно во 2013-та година.

Тие се свршија во март 2017 во Германија, се венчаа во јуни 2017 во Истанбул, со голема церемонија покрај Босфор, која турските медиуми ја нарекоа „свадба на годината“.

Првиот син, Каран им се роди во Истанбул 2019, а вториот син, Керем, се роди во 2023, исто така во Истанбул.

И покрај контроверзиите на поле кариера и напуштањето на серијата каде наводно барал да биде подобро платен, тој очигледно ужива на приватен план.

Повеќе фотографии од парот на следната страница...