Ѝ ја спасил кариерата, но ја присилил да абортира: Скандалозниот брак на Џуди Гарланд и четвртиот сопруг Сид

Детали

недела, 17 август 2025

Најдолгиот од петте бракови на Џуди Гарланд е оној со четвртиот сопруг Сид. Иако тој можеби ѝ ја спасил кариерата, ја присилил да абортира, бил насилен, а според Џуди, пробал и да ѝ ги одземе децата.

Џуди Гарланд важи за една од најпознатите актерки од златната ера на Холивуд.

Се прославила уште во тинејџерските години, со улогата во култниот The Wizard of Oz (Волшебникот од Оз), но била жртва на суровата филмска индустрија од самиот почеток на кариерата.

Нејзиниот релативно краток живот бил исполнет бројни трагедии, како и четири пропаднати бракови.

Со нејзиниот петти, сопруг, пак, била во брак неколку месеци бидејќи почина на само 47-годишна возраст.

Најдолгиот и најпознатиот брак на актерката е со нејзиниот четврти сопруг – Сид Луфт – кој можеби донекаде ѝ ја спасил кариерата, но од друга страна дополнително ја истрауматизирал.

Детали за бурниот брак на Џуди Гарланд и Сид Луфт:

Сид Луфт бил филмски продуцент кој ја запознал Џуди на сетот на The Wizard of Oz. Џуди имала околу 14, а Сид околу 23 години, но тогаш не почнале врска.

Неколку години подоцна, во 1950-та, Џуди добила отказ од студиото MGM, па постоел ризик да си ја уништи целата кариера.

Овој период повторно го сретнала Сид Луфт и иако и двајцата биле во брак, не можеле да ја игнорираат привлечноста меѓу нив.

„Џуди целосно им се препушташе на страстите. Но, не сакав да се вљубам во омажена жена“, напиша Сид во неговата книга Judy and I.

Сепак, тие почнале афера, а Сид си дал цел да ѝ помогне да си ја спаси кариерата во Холивуд.

„Беше многу талентирана и знаев дека ќе може да застане на нозе со малку помош. Што ако не сакаа да ја најмуваат за филмови? Таа знаеше и да пее“, има изјавено Сид.

Продолжува на следната страница...