Бурната врска на Линдзи Лохан со бившата девојка: Се тепаа во дискотеки, заедно користеа дрога

Според татко ѝ на Линдзи, Саманта ја користела популарноста на актерката за да се пробие како диџеј.

„Саманта ја начека Линдзи во многу ранлив период од нејзиниот живот… кога се разведуваме. Линдзи почна да оди на забави и да пие многу, не знаеше каде да оди.

И, Саманта ја начека кога беше во ужасна состојба. И, ја повлече уште подлабоко на дното“.

Притоа, ни семејството на Саманта не било воодушевено од Линдзи нивната врска и се молеле да се разделат. Сметале дека Линдзи е лошо влијание врз Саманта.

Во првата половина од 2009 година, кога сестра ѝ на Саманта организирала забава, ѝ забранила на Линдзи да присуствува.

Линдзи тогаш „се отвори“ на Твитер, изјавувајќи дека тоа била најлошата ноќ во нејзиниот живот, па и ја обвини Саманта за раскинување.

Оваа онлајн караница го означува нивното финално раскинување, но драмите сепак продолжиле.

Според некои извори, Линдзи упорно пробувала да допре до Саманта, па таа морала да ги промени бравите во нејзиниот дом.

Линдзи, пак, имаше изјавено дека само правеле пауза, а подоцна кажа дека не знаела дека се раскинати.

„Навистина не знаев што се случува. Се немавме видено една недела и потоа одеднаш исчезна“, сподели актерката во шоуто на Елен Деџенерис.

Кратко по раскинувањето, Линдзи помина три месеци на рехабилитација. Откако излезе, се пресели во куќа во близина на домот на Саманта, но тврдеше дека не знаела дека живее таму.

Овој период се јавија и гласини дека можеби ќе ѝ дадат уште една шанса на врската.

Неколку американски медиуми споделија дека се случил инцидент кога Саманта пуштала музика во дискотека. Имено, Линдзи Лохан ѝ фрлила пијачка во лицето, но ѝ Саманта фрлила кон неа со предмет и настанал хаос.

Според оние кои сведочеле на инцидентот, Саманта ја напуштила дискотеката.

Сепак, некако успеале да го подобрат односот и околу една година кога раскинаа, Линдзи изјави дека не очекувала да се вљуби во жена.

„Никогаш претходно не сум ги гледала жените на тој начин, но со Саманта се случи. Се изненадив. Таа е единствената жена која ме привлекувала“.

Година-две подоцна, Линдзи повотрно зборуваше за бурната врска и откри дека со Саманта се пријателки.

„Ја ставив во ситуација да биде напаѓа секојдневно. Тоа не е фер, а јас останав со скршено срце. Морав да научам да се сакам себеси пред да можам да бидам во врска. И, тој период минував низ многу.

Две токсични личности не може да бидат во врска. Сега сме пријателки. Така почнавме и мислам дека така треба да остане“.

Во 2019-та, Линдзи уште еднаш ја спомна врската и тогаш кажа дека се разделиле мирно, истакнувајќи дека секогаш функционирале подобро како пријателки.

Спирова С. | Црнобело