Лиам Хемсфорт ја запроси саканата со жолт дијамант - Која е манекенката што му го украде срцето по Мајли Сајрус?

Детали

петок, 12 септември 2025

Во јавноста се шпекулира дека парот се гледал уште пред Лиам да се разведе од својата прва сопруга, Мајли Сајрус. А сега, најмалиот од браќата Хемсфорт ѝ даде дијамантски прстен и ја запроси саканата Габриела Брукс.

Манекенката Габриела Брукс повеќе од 4 години е верна придружничка на актерот, но во јавноста се шпекулира дека парот се гледал уште пред Лиам да се разведе од својата прва сопруга, Мајли Сајрус.

Се споменува дури и дека биле заедно во 2019-та година, но тоа никогаш не го потврдија.

Својата врска ја чуваа тајна, но по бројните шпекулации дали се во љубов, а потоа и пишувањата во медиумите дека раскинале, тие се појавија заедно на црвениот тепих во 2022-ра.

Претходно, во 2021-ва споделија прва заедничка фотографија на Инстаграм и со тоа потврдија дека се во врска.

Што знаеме за манекенката што му го украде срцето на австралискиот актер?

Родена е на 18 мај 1996 во Сиднеј, Австралија.

Мајка ѝ е со кинеско-сингапурско потекло, а татко ѝ е староседелец од Нов Зеланд.

Кариерата како модел ја почнала на 14 години.

Студирала на Универзитетот на Сиднеј, археологија и античка историја, но се откажала кога манекенската кариера ѝ тргнала по нагорна линија.

Освен што работи како модел, таа е и актерка, телевизиско лице и инфлуенсерка.

Низ годините се фотографирала за бројни едиторијали и рекламни кампањи за магазини и модни брендови, меѓу кои и Tommy Hilfiger и Calvin Klein.

Актерското деби ги има во 2019-та година, во краткиот филм Unremarkable.

Пред да ја почне врската со Лиам, се гледала со фронтменот на The 1975, Мети Хили.

А. Ј. | Црнобело