„Таа е магионичар, блескам заради неа“ – Ева Лонгорија (50) за српската докторка во Дубаи која ја одржува млада

Детали

недела, 05 октомври 2025

„Кога одам кај неа, излегувам здрава и блескава“ – вели Ева Лонгорија за српската докторка која работи во Дубаи и ги подмладува најголемите ѕвезди, меѓу кои и Линдзи Лохан, а фановите пишуваат: „Што и да сте ѝ направиле, секоја чест, совршена е“.

Докторката Радмила Лукијан која има своја клиника во Дубаи за третмани за разубавување и анти стареење се прослави многу откако светот дозна дека таа е заслужна за трансформацијата на Линдзи Лохан и ѝ ги избриша трагите од стареење, но уште повеќе од пороците.

Која е српската докторка што ги „избриша“ трагите од години поминати со дрога и алкохол на лицето на Линдзи Лохан?

Таа работи со голем број познати личности, меѓу кои и Ева Лонгорија (50), која за неа има само пофални зборови.

Неодамна Ева се појави во совршено издание на модна писта во Париз, со младешки изглед и блескаво лице, а докторката се пофали дека таа е заслужна за тоа.

Во видеото Радмила вклучила и инсерти од порано, кога актерката има изјавено: „Не ми пречи стареењето, само сакам да стареам добро“, а потоа стои до неа и кажува: „Оваа докторка е како добрата вила што прави магија, одам кај неа и од таму си одам здрава и блескава“.

Ева вели дека оди во Дубаи само за да ја посети Радмила и нејзината клиника, но и дека жали што не живее таму, за да може секој месец да оди на третмани кои не ги открива. 

Под видеото, многумина во коментари се сложуваат дека Лонгорија изгледа совршено и дека посакуваат еден ден да бидат како неа, а докторката ги кани во својата клиника на индивидуален третман.

„Како изгледа оваа жена! Што и да сте ѝ правеле на лицето, секоја чест“.

„Нема никој подобар за ова од вас“.

„Едвај си го чекам мојот термин“.

„Што има направено, затоа што кога беше помлада не изгледаше толку добро“.

 М. М. | Црнобело