Наши и светски познати дами кои зборуваа за нивната битка со рак на дојка

Детали

сабота, 11 октомври 2025

Неодамна Весна Петрушевска сподели дека ќе оди на нова, четврта по ред операција. Водителката ја откри дијагнозата пред една година.

На глобално ниво, ракот на дојка е најчестиот вид рак кај жените.

Само жените кои се соочиле со оваа болест знаат колку е тешка борбата, но тоа што многумина го победиле ракот два надеж.

Кај ракот на дојка, раната детекција може да биде клучна, па затоа е и важно редовно да се прават прегледи. Токму на ова апелираат и познатите жени кои имале рак на дојка.

Дел од познатите дами кои зборуваа за своето искуство:

Џеси Џеј

Во јуни 2025-та, Џеси Џеј откри дека добила дијагноза за рак на дојка и дека направила мастектомија на едната дојка.

Пејачката отворено зборува за битката, а последно откри дека ќе треба да ѝ биде направена уште една операција кон крајот на годината.

Сепак, истакна дека оваа процедура нема да биде многу сериозна и најверојатно ќе помине без компликации.

Оливија Мун

Во март 2024-та, Оливија сподели дека веќе една година се бори со рак на дојка.

Ѝ биле направени четири операции, вклучувајќи и двојна мастектомија.

Актерката уште не е целосно излекувана, но во тешкиот период со сопругот Џон имаа и момент на среќа. Тие добија ќерка со помош на сурогат мајка.

Линда Еванџелиста

Линда ја добила дијагнозата во 2018 година и ѝ била направена двојна мастектомија.

Но, во 2022 година, ракот се вратил, овој пат на градниот мускул, па таа беше подложена на уште неколку операции, како и третмани со хемотерапија и радијација.

Иако денес моделот е во подобра здравствена состојба, таа вели дека е свесна дека нема гаранција дека нејзината битка завршила, но дека ќе продолжи да се бори, што и да се случи.

Шенон Доерти

Актерката од Charmed водеше долга битка со ракот.

Најпрво, во 2015-та, била дијагностицирана со рак на дојка, а по третманот, ракот бил во ремисија.

Сепак, во 2020-та, болеста се вратила – овој пат рак во четврти стадиум, кој се проширил и на ’рбетот.

Шенон ја споделуваше својата борба со јавноста и продолжи да води активен живот, колку што можеше.

За жал, ситуацијата ѝ се искомплицира и таа почина во јули 2024-та, на 52-годишна возраст.

Лила Филиповска

Водителката Лила Филиповска пред околу четири години беше дијагностицирана со рак на дојка и успеа да се избори со болеста.

Во неколку наврати зборуваше за нејзината битка и откри дека кај неа, карциномот бил видлив со голо око, па тоа ја натерало да оди на преглед.

Водителката сподели и дека не сака често да зборува за оваа тема, туку само одвреме-навреме да потсети колку се важни прегледите и самопрегледите.

Продолжува на следната страница...