Додека таа се породуваше, саканиот уживаше во аферата со Џулија Робертс - Бурниот живот на Изабела Аџани

Детали

недела, 19 октомври 2025

„Тој е љубовта на мојот живот. Нашата љубов беше како неизлечива болест. Еден поглед кон него и знаете дека ова е маж подготвен да ви предизвика болка. Ние имавме љубов како онаа за која се пишува во класичните романи“, рекла Изабела Аџани, која за многумина е најубавата актерка на сите времиња.

Изабела Аџани важи за една од најубавите актерки на сите времиња. Обожавана од многумина, кои и денес, иако е во осмата деценија од животот, велат дека е прекрасна, па го занемаруваат фактот дека си го уништи лицето со пластични операции.

Актерката има бурна животна приказна, а една од работите кои ја шокираа јавноста беше таа дека  додека таа се породуваше, нејзиниот партнер и татко на детето, актерот Даниел Деј Луис, ја изневеруваше.

Неверувањето беше уште поголемо кога се дозна дека жената со која Деј Луис има афера е Џилија Робертс.

Изабела била убава уште како тинејџерка и уште тогаш се насетувало дека е како создадена за јавната сцена.

Но, нејзиниот татко не сакал таа да се експонира и ја принудувал да го крие лицето.

Во една пригода, Аџани кажала дека ѝ биле потребни 15 години редовни посети на психолог за да ја прифати својата убавина.

Сепак, кога престижниот LA Times пред неколку години објави листа на најубавите жени во филмот, Изабела го освои првото место.

Актерката е родена во бракот на Алжирец и Германка. Самата таа често истакнувала дека љубовта на нејзините родители била „невозможна“, но вистинска, онаква што се случува еднаш во илјада години.

Поради големата љубов што ја чувствувала кон таткото на Изабела, нејзината мајка го напуштила тогашниот сопруг и двете мали деца, и никогаш не се покајала за тоа, до последниот ден од својот живот.

Од друга страна, Изабела никогаш не ја разбирала својата мајка и често ја осудувала нејзината одлука да го напушти семејството за да создаде нови.

Детството го поминала во сиромашно предградие на Париз, во населба полна со банди, но сепак го прифатила духот на градот, а тој првенствено се одразува во нејзиниот стил на облекување по кој парижанките се познати.

Татко ѝ бил строг и конзервативен, ја терал напорно да учи и постојано да чита. Тој ја научил и да не се гледа ниту во огледало, за да не стане суетна поради нејзината убавина.

Кога имала само 14 години, на улиците на Париз ја забележал познат филмски агент и ѝ понудил прва улога.

Успесите на филмското платно, потоа, се ределе сами.

Но, Изабела има и бурен љубовен живот. Само еднаш била мажена, но вели дека имала осум сериозни и големи љубови, иако само една од нив била вистинска.

Таа беше шест години во врска со трикратниот оскаровец Даниел Деј Луис, со кого има син, и кој ја оставил без збор додека била бремена.

Тој дури ни не ѝ ни кажал дека нивната врска е завршена. А во времето кога Изабела се породувала, тој уживал во аферата со Џулија Робертс.

„Тој е љубовта на мојот живот. Заврши затоа што беше невозможно, незамисливо силно.

Нашата љубов беше како неизлечива болест. Еден поглед кон него и знаете дека ова е маж подготвен да ви предизвика болка.

Не можеше да ги одвои улогите што ги играше од реалниот живот. Често се однесуваше како да не е дел од оваа планета.

Ние имавме љубов како онаа за која се пишува во класичните романи“, рекла таа неколку години подоцна.

Таа признала дека колку и да била среќна во љубовта, сепак, на крајот страдала.

„Направив сериозна грешка во мојот живот - жените не би требале да бидат доктори во своите врски.

Ги спасубав своите мажи, а тие потоа ја градеа својата среќа со други. Ме гледаа како психолог.

Мажите не ги сакаат жените што ги гледаат како слабаци во нивните најлоши денови, не можат да ја поднесат силата на жената што ги прави слаби и ранливи“, изјавила Аџани.

А. Ј. | Црнобело