Ја запознал на сетот на Titanic, ја остави третата сопруга за неа: Љубовта на Џејмс Камерон и сопругата трае скоро 3 децении

Имаат четири деца

Џејмс и Сузи имаат три биолошки ќерки – Клер, Квин и Елизабет.

Во 2020 година, тие станаа старатели на пријателка на ќерка им.

Како што открија самите, девојчето, кое е во тинејџерските години, живеело со нив од 2019 година бидејќи нејзините родители не можеле да се грижат за неа.

По околу една година, решиле и официјално да ја посвојат за да ѝ овозможат што е можно подобар живот.

Сузи има развод зад себе

И Сузи Камерон има искуство со неуспешен брак.

Претходно таа беше во брак со актерот Сем Робардс кој го запознала на сетот на нејзиниот прв филм – Fandango.

Се венчале во 1986-та, а се развеле во 1994-та. Заедно имаат и син.

Впрочем, и Џејмс Камерон има уште една ќерка, од бракот со Линда Хамилтон.

Заедно се залагаат за заштита на природата

Во 1990-тите, Сузи се откажа од актерската кариера и целосно се посвети на активизмот.

Заедно со Џејмс, низ годините биле вклучени во многу проекти за заштита на природата.

Сузи има издадено книга на оваа тема, а има отворено и еколошко училиште.

Со сопругот е дел од низа организации и бизниси кои се фокусираат на одржливоста и се меѓу најактивните луѓе во Холивуд кога е во прашање оваа тема.

Велат дека уште се сакат како на почетокот од врската

Неодамна, за The Hollywood Reporter, Сузи сподели дека љубовта меѓу неа и Џејмс е иста, ако не и посилна.

„Има многу причини за ова – сакаме а шетаме низ дома по чорапи, двајцата читаме многу, сакаме да се дружиме. По сите овие години, немало момент кога сме немале тема за разговор“.

Спирова С. | Црнобело