Ештон Кучер „очајно“ пробува да си ја спаси репутацијата: Бранеше силувач, Пи Диди му беше меѓу најдобрите пријатели

Во првата половина од 2025-та, Ештон не објавуваше апсолутно ништо на Инстаграм.

Кога се обиде повторно да се активира на социјалната мрежа, не недостасуваа коментар за неговото пријателство со Дени Мастерсон и Пи Диди.

Притоа, почнаа да се споделуваат и многу постари скандалозни изјави на актерот.

На пример, во инсерт од 2008 година од неговата емисија Punk’d, Ештон ја коментира Хилари Даф.

Тогаш тој имаше 25 години, а Хилари 15, а во инсертот вели:

„Хилари е една од оние девојки кои сите чекаме да наполни 18 години“.

Во 2011 година, пак, Ештон Кучер бранеше фудбалски тренер кој беше обвинет за сексуален напад врз момче.

Во меѓувреме Деми Мур, неговата поранешна сопруга, издаде мемоари во кои ја прикажува можеби најлошата страна на Ештон Кучер.

Откри дека ја терал да имаат секс во тројка, а потоа почнал и да ја изневерува.

Поради ова, Ештон сега давал сè од себе за да си ја поправи репутацијата.

„Знае дека изминативе неколку години си ја уништи репутацијата во Холивуд и во јавноста поради непромислените одлуки.

Тој и Мила добиваат сè помалку и помалку покани на настани во Холивуд. Сега се срами од грешките од минатото. Свесен е дека скандалите со Дени Мастерсон и Пи Диди уште се свежи во сеќавањата на луѓето.

Толку е нервозен, што ги прашува пријателите дали некогаш јавноста повторно ќе го прифати. Очаен е“.

Ештон се прослави релативно млад. На 18-годишна возраст се запишал на факултет, и тоа на биохемиско инженерство.

Но, кога добил ангажман како модел, решил да се пресели во Лос Анџелес и овде ја добил една од главните улоги во хит-серијата That 70s Show.

Одовде, неговата популарност само се зголемуваше и брзо стана едно од најпознатите имиња во Холивуд.

На MTV имаше и своја емисија – Punk’d – а беше и продуцент на неколку филмови.

Пријателството со Пи Диди почнало во периодот кога ја снимаше емисијата Punk’d. Беа особено блиски скоро 20 години, а Ештон има изјавено дека штом се запознале, веднаш станале пријатели.

Многупати во интервјуа се фалеа еден со друг и си беа огромна поддршка.

Па, не изненадува тоа што јавноста мислеше дека можеби и Ештон некако бил вмешан во криминалните дела на Диди или дека барем знаел за нив.

Впрочем, неговото пријателство со Диди, но и со Дени Мастерсон, го чинело и улоги и актерот буквално не можел да најде работа.

Неговиот последен фил, Your Place or Mine, беше снимен во 2021-ва, а издаден во 2023-та.

„Ештон сакаше да продолжи да глуми, но неговата репутација беше оцрнета до тој степен, што многу луѓе го одбиваа“, вели извор за Daily Mail.

Сепак, се надева дека со новата серија ќе си ја промени среќата.

„Без сомнение, кариерата на Ештон страдаше поради контроверзиите во кои беше вмешан. Но, истовремено, тој веќе не е млад актер кој е миленик на младата публика и не е актер кој би донел голема заработка.

Во минатото беше ѕвезда, но повеќето понуди што ги добиваше потоа не беа можности за соработка со големи имиња.

Па, кога Рајан, режисерот на новата серија го побара, Ештон мораше да прифати. Ќе беше глупаво да ја пропушти можноста. Па, можеби камбекот на Ештон ќе биде успешен“, додава изворот.

Спирова С. | Црнобело