Беа разделени поради неверство, имаат деца и внуци: Љубовта на Снуп Дог и сопругата трае скоро 30 години

Имаат деца, но и внуци

Снуп и Шанте заедно имаат три деца, родени во периодот од 1994-та до 1999-та, а и двајцата се многу посветени родители.

„Мојата врска со децата е поважна од сè останато. Ние имаме пријателски однос. Јас сум нивен татко, ментор, но и пријател“, има изјавено раперот.

Нивното прво дете, синот Корде, има две деца, додека вториот син, Кордел, има три деца.

Па, Снуп и Шанте веќе се баба и дедо – уште една улога што си ја сфаќаат мошне сериозно.

„Моите внуци ми се сè бидејќи сите имаат делче од моето срце.

Мене дедо ми ми беше најдобар пријател, и тоа што јас сум им најдобар пријател на моите внуци покажува дека сум завршил добра работа“.

Во 2025-та, тие добија уште еден внук, од нивната ќерка Кори.

Шанте му е менаџер на Снуп Дог

Снуп и сопругата не се само брачни партнери, туку и соработуваат.

Таа е негов менаџер, а Снуп многупати јавно се има заблагодарено за нејзиниот труд.

„Шанте ја води мојата кариера од првиот ден. Со неа се консултирам за секоја одлука и денес не би бил овде без неа.

Благодарен сум што ми е менаџер со кој заедно ја градиме нашата империја“.

Краток период беа разделени

Во скоро 30-те години заедно, и Снуп и Шанте имале кризни периоди, а во 2004-та, раперот поднесе и барање за развод.

Иако немаат откриено многу детали, се претпоставува дека раперот ѝ бил неверен на сопругата.

Тој, пак, самиот се обвинува за разделбата.

„Мислев дека јас сум главен и дека бев подготвен да се откажам од тоа што го имам.

Но, сфатив дека она што го имам (со Шанте) е незаменливо“, откри раперот откако се смирија.

Тој додаде и дека нивните деца му помогнале да си ги воочи грешките.

„Добив деца со мојата сопруга бидејќи сакав да бидам со неа. Трите наши бебиња се нешто што го посакувавме и сакав да бидам овде за нив“.

Спирова С. | Црнобело