Таткото на Никола Пелц се огласи првпат по драмата со Бекамови: „Ќерка ми и Бруклин се супер, им посакувам долг брак“

Детали

среда, 04 февруари 2026

„Моето семејство било во медиумите неодамна? Не сум забележал...“ - се пошегува прво таткото на Никола, а потоа рече: „Ќерка ми и Бекамови не се тема на разговор, но ќе ви кажам, ќерка ми и зет ми се супер, им посакувам долг брак. Советот што им го давам е да бегаат од медиумите“. 

Таткото на Никола Пелц, Нелсон, е милијардер, за кој се зборува дека на неговата 31-годишна ќерка ѝ дава џепарлак од 1 милион долари месечно, а со неговите пари наводно се издржува и нејзиниот сопруг Бруклин Бекам.

Семејството Бекамови е главна тема во медиумите и јавноста веќе подолг период заради нивната драма со Бруклин, која ескалираше откако неодамна најстариот син за првпат се огласи и изнесе непознати детали против родителите.

Дејвид и Викторија не одговорија на обвиненијата и критиките, напротив, неколку дена подоцна, заедно со останатите три деца, се појавија на настан посилни од кога било, иако зад затворени врати можеби односите се скршени.

Бекамови првпат во јавност по драмата со Бруклин - Дејвид ја држи Викторија за рака, не реагираат на провокации од папараците

Во меѓувреме преку своите објави и изјави тие испраќаа скриени пораки кон синот Бруклин, додека пак, семејството на Никола се држи настрана откако го придобија зетот.

Сега за првпат, таткото на Никола јавно беше прашан за мислење на оваа тема, а иако избегна директно да одговори, сепак даде краток коментар.

83-годишниот бизнисмен присуствуваше на настан за финансии, каде големите умови дискутираа на оваа тема, но во делот за поставување прашања, доби и приватно прашање меѓу редови.

Тој беше прашан дали со оглед на своето искуство во преговарање и јавни односи, им дава совети на ќерката и зетот како да се справуваат со тешка ситуација, посебно кога станува збор за нешто што е излезено во јавност.

Нелсон прво се пошегува велејќи:

„Моето семејство било во медиумите неодамна? Јас не сум забележал...“, па потоа одговара:

„Да, им давам, а понекогаш и тие ми даваат совет. Мојот совет е да се бега настрана од медиумите. Мислам, колку добро направи тоа?

Но знаете, мојата ќерка и Бекамови се сосема друга приказна и тоа не е тема на разговор овде денес.

Но ќе ви кажам, ќерка ми е супер, мојот зет Бруклин е супер и се надевам дека ќе имаат долг и среќен брак“.

Погледнете го видеото:

Инаку, богатството на Нелсон е проценето на 1.6 милијарди долари, што е значително повеќе од она на Бекамови, од 680 милиони долари.

Прочитајте повеќе: Дедо милијардер, баба модел: Што знаеме за „новото семејство“ на Бруклин Бекам?

  М. М. | Црнобело