Анџелина Џоли (50) повторно блеска и проговори за мастектомијата: „Моите рани беа мој избор за да останам подолго со децата“

Детали

среда, 11 февруари 2026

„Моите рани се избор кој го направив јас, за да останам што е можно подолго тука, со моите деца. Ако стигнеш до крајот на својот живот, а не си направил грешки, не си направил хаос и немаш лузни, не си го живеел во целост животот“ - рече Анџелина, откако заблеска на премиера на својот филм во Париз. 

Долги години јавноста беше загрижена за изгледот на Анџелина Џоли, а сега таа повторно си го врати својот сјај и шарм.

На премиерата на филмот „Couture“ во Париз таа се појави во полупроѕирен светкав фустан на Givenchy и покажа дека зрачи со грациозност и елеганција.

Во разговор за France.inter таа проговори накратко и за својот живот, одлуките кои ги донела, како и за раните од двојната мастектомија, која одлучи да ја направи превентивно.

„Секогаш сум била некој што повеќе се интересира за раните и за животот што луѓето го носат. Не ме привлекува совршената идеја за живот што нема лузни.

Моите рани се избор кој го направив јас, за да останам што е можно подолго тука, со моите деца. Си ги сакам моите рани заради тоа.

И благодарна сум што имав можност и избор да направам нешто проактивно за моето здравје.

Ја изгубив мајка ми кога бев млада, ги пораснав децата без баба.

Така што, за мене, мислам дека ова е живот и ако стигнеш до крајот на својот живот, а не си направил грешки, не си направил хаос и немаш лузни, не си го живеел во целост животот“ – вели таа во интервјуто.

@france.inter

À l'occasion de la sortie de “Coutures” d'Alice Winocour (au cinéma le 18 février 2026), Angelina Jolie évoque son opération (une double mastectomie), un choix motivé par son amour pour ses enfants. Elle était l'invitée de 7h50 au micro de Benjamin Duhamel dans La Grande Matinale. Pour réécouter, cliquez sur le lien en bio @france.inter #SinformerSurTikTok #ApprendreSurTikTok #AngelinaJolie #cinema #cancer

♬ son original - France Inter

Инаку, нејзината мајка почина во 2007-ма, неколку години откако беше дијагностицирана со рак на јајници, а потоа и на дојка, па во 2013-та, Џоли направи двојна мастектомија, кога дозна дека има речиси 90% шанси да развие рак на дојка.

„Одлуката да направам мастектомија не беше лесна. Но горда сум што ја донесов. Моите шанси да развијам рак на дојка се намалија од 87% на 5%.

Можам да им кажам на моите деца дека не мора да се плашат дека ќе ме изгубат заради тоа“ – напиша таа во една прилика.

Актерката има 6 деца со поранешниот сопруг Бред Пит – Медокс, Пакс, Захара, Шајло и близнаците Нокс и Вивиен.

Повеќе фотки од Џоли на премиерата:

М. М. | Црнобело