Анџелина Џоли со нови детали за разводот со Бред Пит: „Му ги оставив домовите, не плаќаше алиментација“

Детали

петок, 10 октомври 2025

„Настаните кои доведоа до мојата потреба да се разведам беа многу емоционално тешки за мене и моите деца. Тогаш му оставив контрола над семејните домови мислејќи дека тоа ќе го смири. Со децата не сме стапнале таму“ – вели во новите документи, а зборува за настанот во авионот, кога Бред изгубил контрола врз децата.

Анџелина Џоли и Бред Пит се разделија уште во 2016-та по 12 години поминати заедно, но драмата со нивниот развод и судски спорови траеше до 2024, речиси една деценија.

Таа веднаш по разделбата поднесе документи за развод, откако инцидент за време на приватен лет ја прелил нејзината чаша, кога го обвини Бред за физичко и вербално насилно однесување кон неа и децата.

Прочитајте повеќе: Бред Пит ги давел и удирал децата, се криеле под ќебиња од него - Анџелина Џоли со нови обвинувања за бившиот, 6 години по разделбата

Иако во декември 2024-та конечно го финализираа разводот, тие уште се „влечат“ по судови, заради спор околу Miraval, винарија во Франција, која некогаш ја поседуваа заеднички.

Откако Џоли во 2021 го продала својот дел на трета страна, Пит ја тужеше заради нивниот договор да не го прават тоа без дозвола од другиот.

Сега, во нова судска изјава, која оригинално ја објавува People, Анџелина објаснува колку ѝ било тешко тој период, со оглед на тоа што доживеале траума.

Во новите документи кои ги поднела до судот за нивниот имот Chateau Miraval, таа напишала:

„Настаните кои доведоа до мојата потреба да се разделам од мојот поранешен сопруг, беа многу емоционално тешки за мене и нашите деца.

Кога поднесов документи за развод, му ја оставив контролата (и комплетнo престојување) на нашите семејни домови во Лос Анџелес и Миравал, без компензација, што се надевав дека ќе го смири во справувањето со мене, по тешкиот и трауматичен период.

До овој ден, децата и јас никогаш повеќе не стапнавме на имотот, со оглед на концекцијата со болните настани кои доведоа до разводот.

По разделбата, веднаш почнав да барам нова куќа за мене и децата, првично за изнајмување додека барав постабилно решение.

Бидејќи сакав Бред да остане важен дел во животот на децата, барав имот блиску до неговиот дом.

Во тоа време, мојата заштеда беше заглавена во Миравал, а не му барав на Бред алиментација ниту каква било друга финансиска поддршка“.

Бред Пит, ниту неговите претставници за јавност, се немаат огласено и не одговориле на барањата од светските медиуми за коментар.

Актерот моментално ужива во љубовта со Инес де Рамон. 

Прочитајте и Бред Пит докажува дека 60-тите се новите 30-ти - Му годи младата девојка (32), Џоли ја нарекува „грешка од минатото“

М. М. | Црнобело