Детали за таинствената врска на Рис Витерспун со германскиот милионер (кој го споредуваат со „дедо“)

Детали

сабота, 04 април 2026

Кога ја потврди врската со германскиот бизнисмен, јавноста се шегуваше дека Рис Витерспун „си фатила дедо“. Но, нејзиниот нов дечко е едвај осум години постар од неа, а блиските велат дека се вљубила во него бидејќи не е славна личност и не може да ја засени.

Иако е една од најпознатите актерки, Рис Витерспун умешно ја крие врската со германскиот бизнисмен Оливер Харман.

Според нејзините блиски, тоа што и самиот Оливер бил приватна личност била една од главните причини зошто се вљубила во него.

„Рис си ја сака работата, но не ѝ се допаѓа славата и сака нејзиниот приватен живот да биде приватен.

Тоа е една од причините зошто не почна врска со славна личност“, открива извор за Daily Mail.

Друг извор вели дека на 50-годишната актерка ѝ бил потребен партнер кој нема никаква врска со филмската индустрија.

„Тешко е да се справите со Рис бидејќи е многу тврдоглава. Таква е во Холивуд, таква е со пријателите, а таква е и со врските.

Оливер не е дел од филмската индустрија, па тоа значи дека нема никогаш да ја засени кога одат на настани“, вели изворот.

Притоа, Рис била свесна дека Оливер е приватна личност и навистина го ценела тоа.

58-годишниот Оливер е успешен бизнисмен чие богатство се проценува на околу 440 милиони долари.

Првпат почнаа да го поврзуваат со Рис Витерспун во 2023-та, откако актерката се раздели од Џим Тот.

Со него, Рис има 13-годишна ќерка, а има и уште две постари деца – Ава (26) и Дикон (23) кој ги доби од бракот со Рајан Филипе.

Рис и Оливер првпат беа забележани заедно во 2024 година во Њујорк, а следното лето беа фотографирани на јахта во Сен Тропе.

Тогаш јавноста почна да се шегува дека актерката „си фатила дедо“, без разлика што возрасната разлика меѓу нив е едвај осум години.

Продолжува на следната страница...