Кети Пери под истрага за сексуален напад на жена, вознемирувала и други: „Молчев 20 години“

Детали

среда, 15 април 2026

По обвиненијата на австралиската актерка Руби Роуз, Кети Пери е под истрага за сексуален напад. Во меѓувреме, јавноста почна да споделува други вакви инциденти на пејачката – ѝ ги допирала градите на Ана Кендрик, а на актер од нејзин спот му ги соблекла панталоните и долната облека на забава, без негова дозвола.

Репутацијата на Кети Пери повторно страда, откако пејачката беше обвинета за сексуален напад од австралиската актерка Руби Роуз.

Минатиот викенд Кети Пери беше на музичкиот фестивал Coachella со нејзиниот нов партнер – Џастин Трудо.

Тие го следеа и настапот на Џастин Бибер, каде што Кети прокоментира за тоа што пејачот пушташе песни од Јутјуб.

Реакцијата на Кети ја споделија низа светски медиуми, а актерката го изнесе своето обвинение на ваква објава.

„Кети Пери сексуално ме нападна во ноќен клуб во Мелбурн. На никој не му е гајле што мисли“, напиша Руби Роуз на објава на социјалната мрежа Threads.

Во друг коментар таа откри дека била во раните 20-ти кога се случил инцидентот.

„Ми беа потребни две децении за јавно да го кажам ова. Иако сум благодарна што издржав доволно долго за да го најдам мојот глас, ова само покажува колкаво влијание имаат траумата и сексуалните напади“.

Следниот ден, во понеделникот, портпаролот на Кети Пери остро ги негираше обвиненијата.

„Обвинувањата на Руби Роуз за Кети Пери кои кружат на социјалните мрежи не само што се категорично лажни, туку се и опасни лаги.

Госпоѓица Роуз во минатото изнесувала сериозни обвиненија за разни луѓе кои одново и одново биле негирани од оние што ги обвинувала“.

Сепак, ова не ја замолчи Руби Роуз која потоа сподели и вознемирувачки детали од наводниот напад.

Според неа, во ноќниот клуб таа била навалена на скутот на нејзина пријателка и тврди дека пробувала да ја избегне Кети Пери.

Но, пејачката дошла да неа, си ја тргнала долната облека и почнала да ги трие гениталиите од лицето на Руби.

„Откако повратив, ја кажав приказната, но ја претворив во ’смешен пијан инцидент‘ бидејќи не знаев како да се справам со целата ситуација.

Подоцна Кети се согласи да ми помогне да добијам виза за САД, па молчев. Но, само да ви кажам дека не беше добра личност“.

Актерката додава и дека ѝ било многу тешко да го сподели ова бидејќи напаѓачот е жена, а не маж.

Продолжува на следната страница...