Бизарна теорија на заговор – Шакира користела двојничка на настапот на Светско: „Ги греши чекорите, се крие зад очила“

Детали

понеделник, 15 јуни 2026

По отворањето на Светското фудбалско првенство, Шакира се соочи со обвиненија дека користела двојничка за настапот. Некои велат дека жената што настапува воопшто не личи на неа, како и дека не танцува исто добро. Веројатно гласините допреле до пејачката, бидејќи сподели видео од пробите како доказ дека сепак на церемонијата настапувала таа, а не двојничка.

Се чини дека периодов омилена теорија на заговор е дека некои познати личности користат двојници.

По теориите дека Џим Кери и Анџелина Џоли се заменети со клонови, на мета се најде Шакира – дел од јавноста верува дека за настапот на Светско, пејачката користела двојничка.

Шакира настапуваше на отворањето на Светското фудбалско првенство во Мексико Сити, каде што ја изведе нејзината нова песна – Dai, Dai.

49-годишната пејачка имаше енергичен настап со многу танчарки, а носеше жолто боди, бело здолниште и бели патики со жолти врвки.

Шакира носеше и црни очила за сонце кои делумно ѝ го покриваа лицето.

Додека некои имаа само комплименти за настапот и ја нарекуваа „кралица на Светско фудбалско првенство“, други почнаа да изразуваат сомнежи дека пејачката на церемонијата воопшто не е Шакира.

„Што е со Шакира? Изгледаше многу поразлично во живо пред неколку недели во Рио де Жанеиро. Дали користи двојничка?“

„Не знам што мислите, но Шакира што се појави на Светско воопшто не личи на пејачката што ја знаеме. Има три можности. Прво – ова не е Шакира туку двојничка, второ – направила пластична операција и затоа изгледа различно, трето – имаше многу шминка“.

„Периката, висината, очилата и бавните движења не се совпаѓаат со Шакира. Само гледајте ги нејзините нозе, градбата на телото. Ова не е Шакира!“

На социјалните мрежи некои споделуваат и инсерти од настапот за кои сметаат дека се цврст доказ дека пејачакта не е Шакира.

„Ова не е Шакира. Гледајте како ги греши чекорите додека ја пее Dai, Dai. Ова е двојничка. Шакира ги излажа сите“.

Сепак, повеќето сметаат дека се претерува со ваквите теории на заговор.

Некои споделуваат фотки од пејачката пред настапот, на кои се гледа без очила, а други велат дека ѝ се гледа лузната на челото, што е доволен доказ дека е таа.

„Шакира е без очила на ова видео и не постои сомнеж дека е таа, блеска како и секогаш.

Не знам зошто се направи драма, повеќе од очигледно е дека ова е нашата кралица“.

„Ќе ви кажам што велат фановите експерти – сигурни се дека е таа. Ја спомнуваат лузната на нејзиното чело, изгледа повисоко бидејќи носи патики со дебел ѓон и изгледа послабо.

Што се однесува дo нејзиното лице, сметаат дека е отечено поради ботокс, а тоа може да објасни и зошто носи очила“.

Многу е веројатно дека гласините допреле и до самата пејачка, бидејќи откако теоријата почна да се споделува, таа објави неколку фотки направени пред настапот на кои исто така носи очила за сонце.

Продолжува на следната страница...