Анџелина Џоли сакала да се смири со Бред – ја одбил, па го отуѓила од децата за да му се одмазди

„Бред се покаја за она што го направи, многу жалеше. Јасно му е дека беше виновен. Никој не го оправдува она што го прави.

Тој не е криминалец, но искрено се извини, го реши проблемот со алкохолизмот и ја смири ситуацијата“.

Иако инцидентот бил трауматичен, изворот тврди дека Џоли сепак пробала да го спаси бракот.

Но, Бред ја одбил и токму одовде потекнувал нејзиниот презир кон него. Ова ја поттикнало целосно да го оттргне од децата и да не му дозволи да има каков било контакт со нив.

Друг извор вели дека Џоли не планирала да му даде втора шанса, но сепак сакала разделбата да се случи мирно. Бидејќи ситуацијата сепак ескалирала, актерката почнала да чувствува презир и омраза.

„Со години одеа на терапевт со Бред и семејството, за сите да закрепнат од настаните што доведоа до развод“, вели изворот.

Трет извор, близок до Бред Пит, вели дека првично добиле заедничко старателство.

„Штом се разделија, судијата кој работеше на случајот, истиот кој беше на нивната венчавка во Франција, помина месеци со случајот за старателството.

Децата беа интервјуирани од терапевти и кажаа што сакаат“.

Иако првично судијата одлучил дека треба да имаат заедничко старателство, подоцна одлуката била отфрлена бидејќи судијата наводно имал некаква поврзаност со адвокатите на Бред.

Па, оттогаш Џоли има целосно старателство над децата и не е познато кога последен пат Бред имал можност да ги види.

Сепак, тој продолжувал да се грижи за нив, барем финансиски.

„Отсекогаш бил многу дарежлив за децата, и покрај тоа што се отуѓени. Тој е личност која секогаш го прави она што е правилно“.

Изворот додава и дека на актерот воопшто не му е лесно, но пробувал да си ги оттргне мислите со работа.

„Смета дека засекогаш ги има изгубено децата, дека сега веќе нема назад. Помина цела деценија без никаков контакт со нив. Тие не го знаат, а и тој не ги знае нив, и ова е тажно.

За да се справи со мислите, постојано работи. Кога не глуми во филм, тогаш е продуцент, а некогаш и двете истовремено. Исто така има и други бизниси и винарија“.

Сепак, не престанувал да се надева на чудо.

Спирова С. | Црнобело