Фифи: Не се плашам од Жељко Јоксимовиќ. Јас сум стрејт жена и сакам мажи!

Детали

вторник, 12 ноември 2013

Девојката во тело на момче, Филип Јаневски – Фифи (22) која минатата недела привлече големо медиумско внимание кога се појави на сцената на „Х – фактор“ и по негативните критики на Жељко Јоксимовиќ, доби поддршка од поголемиот дел од јавноста.

Македонскиот транссексуалец ексклузивно за српскиот портал Press OnLine, раскажува за својата сексуална ориентација и  открива дека е „вистинска жена“, а во согласност со тоа е и неговата сексуална фантазија.

- Јас сум стрејт жена и сакам мажи – кратко одговорил Филип Јаневски, кој сосем рационално ја прифати критиката на Жељко Јоксимовиќ, кој и покрај тоа што му призна дека добро пее, сепак, бидејќи не му се допадна тоа што го гледа се одлучи да гласа со „Не“.

- Во животот научив разумно да прифаќам каква било крититка, бидејќи секој човек има право на свое мислење. Јас не можам да променам нечиј став, како што ни другите не можат да го променат мојот. Бев подготвена на секаква реакција – изјавила Фифи, која со три „Да“ од останатите членови на жирито го продолжува натпреварувањето во вториот круг на „Х – фактор Адриа“, каде повторно ќе се сретне очи в очи со Жељко Јоксимовиќ.

- Јас не се плашам од ништо. Не се плашам ниту од Жељко Јоксимовиќ. Сум имала непријатни ситуации уште како мала, но секогаш сум знаела како да се соочам со тоа. На почетокот на мојата кариера никој не обрнуваше внимание на моето пеење, сите ме гледаа само како трансродна личност, а многу малку како пејачка – открива Фифи.

- Пеам откако знам за себе. Пеењето е моја најголема страст во животот. Сум учествувала на разни фестивали и манифестации во Македонија и имам снимено неколку песни и спотови.

Погледнете го уште еднаш настапот на Фифи, па одлучете дали треба да го поддржите поради одличните гласовни можности и пејачки квалитети или да го отфрлите поради изгледот и сексуалната ориентација.