Нов љубовен пар меѓу натпреварувачите на „Х – фактор“

Детали

четврток, 09 јануари 2014

Откако први својата љубов ја обелоденија Младен Лукиќ и Катарина Манојловиќ, на ова шоу се роди уште една љубов меѓу натпреварувачите од двата бенда. Вања Мишиќ (20) од „4U“ и Армин Маликиќ (22) од „Доктори“ се постојано заедно!

Како што се дознава, тие двајца се зближиле додека се бореле за пласман во групата на Кристина Ковач, каде што натпреварувачите беа поделени во бендови. Со оглед на тоа што и двајцата се останати со своите бендови, но кај истата менторка, тие поминуваат многу време заедно во текот на пробите.

„Веднаш забележавме дека нешто се случува меѓу нив, бидејќи почнаа да се издвојуваат. Иако се обидуваат да ги скријат симпатиите кои ги имаат еден кон друг, очигледно е дека се заљубени. Армин дури им признал и на некои од момците колку му се допаѓа Вања, но дека ќе ја покани да излезат, дури по завршувањето на „Х – фактор“, бидејќи се плаши дека романсата може да им попречи во посветеноста на шоуто“. – изјавил извор близок до двајцата.

Тие двајца уште на почетокот на натпреварувањето многу често беа заедно бидејќи двајцата доаѓаат од Босна. Вања е родена и живее во Бања Лука, а Армин е веќе познат во Бановиќи.

Меѓусебно се поддржуваат и си помагаат за време на пробите пред настапите во живо.

„Имаат и сличен музички вкус, двајцата сакаат да слушаат електронска музика и многу ја почитуваат Кристина Ковач. Би било убаво кога нивната љубов би заживеала, бидејќи се навистина убав пар“. – кажал еден од натпреварувачите кои не сака да го открие својот идентитет.

Додека повеќето натпреварувачи веќе си наоѓаат парови меѓу себе, нашиот Даниел веројатно ќе има потешка задача.

Тој не може да ги преброи подароците и телефонските броеви кои постојано му пристигнуваат од обожавателки ширум целиот Балкан.

Мечиња, играчки, телефонски картички со снимени пораки и најразлични откачени подароци се постојани пратки до него.

Веројатно нема да може така лесно да се одлучи и да им ги скрши срцата изјавувајќи љубов само на една девојка.