Зошто Кристијано Роналдо нема ниту една тетоважа на телото?

Детали

четврток, 26 јуни 2014

Сигурно до сега сте забележале дека Кристијано Роналдо е еден од ретките фудбалери кои го нема исцртано своето тело со мастило.

Колку и да не верувате, нема ниту една единствена. Неколку пати до сега медиумите се труделе да ја откријат причината, но Роналдо одбивал да дава објаснувања сè до едно интервју во кое изјави:

„Немам тетоважи затоа што донирам крв многу често.“

Ѕвездата на Реал Мадрид донира крв најмалку 2 пати годишно.

Покрај тоа, пред извесно време донирал коскена срцевина за болното дете на неговиот соиграч.

„Тоа се случи во времето кога Карлос Мартинс играше со нас во националниот тим. Ни го објасни проблемот кој го имаше со своето синче и решивме како соиграчи да му помогнеме на него и неговиот син затоа што тоа беше голема, комплицирана ситуација. Многумина мислат дека донирањето на коскена срцевина е нешто тешко, но не е ништо повеќе од донирање крв и не е воопшто болно,“ изјавил Роналдо во една радио емисија.